Ekstremistët në Kosovë kërcënojnë popullatën

Xhihadistët nga Kosova përveç se po marrin pjesë në luftën në Siri, ata kanë filluar që haptazi ta shfaqin urrejtjen ndaj shumicës së popullatës në Kosovë, e cila ashpër po e kritikon përhapjen e ekstremizmit fetar në vendin tonë.

Këto kërcënime më së miri ilustrohen edhe në foton e bërë nga “Botapress” në një nga rrugët e kryeqytetit.

Ky grafit me mbishkrimin “Keni me u pendu Jihad. Amin” e shkruar në murin e një ndërtese në lagjen Ulpiana, konkretisht në rrugën “Motrat Qiriazi”, flet për kërcënimin që ekstremistët po e shprehin ndaj popullatës shumicë myslimane në Kosovë.