Florim Zeqa: A do të thyhen barrikadat me 12 shtator?

A do të thyhen barrikadat me 12 shtator?

Nga Florim Zeqa

Ditëve të fundit, jo vetëm që janë ashpërsuar zërat me dy blloqeve të barrikaduara përballë njëri-tjetrit, janë vënë në lajthitje edhe orekset e shumta për mbajtjen (marrjen) e pushtetit, kush do të (zh) vishet me rrobat e pushtetit?

Analistët dhe gazetarët në anën tjetër po mundohen të reflektojnë në mënyrën e tyre, varësisht prej pikpamjeve të tyre politike, ngase edhe pse ndonjëri prej tyre deklarohet si i "pavarur" në realitet nuk mund të jetë krejtësisht i tillë.

Të pavarur nga politika mund të jenë vetëm ata që nuk merren fare me problemet e politikës. Këtë që e themë dëshiroj ta argumentoj me një shembull të thjesht; çdo analist, gazetar apo vrojtues i thjeshtë i ngjarjeve politike, nëse i vënë vetës objektiv ndryshimin e kursit politik në vend, nuk mund të deklarohet që është i pavarur, ngase varësia e tij nga politika fillon nga momenti i përkushtimit për ndryshimin e realitetit politik.

Para 12 shtatorit janë hapur dilema të shumta; a do të ketë përseritje të 17 korrikut apo jo?, do të zgjidhet ky apo ai tjetri?, do të shkohet në zgjedhje apo jo? ...e shumë pyetje të tjera hipotetike.

Unë të gjitha këto do t'i përmbledhja në një pyetje të vetme; A do të hiqen barrikadat në parlament me 12 shtator?!"

Asnjë zgjidhje nuk do të arrihet në Kuvendin e Republikës së Kosovës me 12 shtator pa debarrikadiminin e blloqeve politike.

Duke u nisur nga një gjendje të tillë, prapë analistët dhe gazetarët në mënyrën e tyre po e komentojnë mundësinë e zgjedhjeve të jashtzakonshme si zgjidhje të problemit, që ndryshe po i thojnë "ngërçi" politik.

Sa të tjerë mbeten me shpresën se do të ndërhyjnë ndërkombëtarët si herave tjera për ndarjen e "drejtësisë" me thyerjen e barrikadës politike në parlament.

Por si duket kësaj radhe ndërkombëtarët janë vetëm duke e testuar "aftësinë" e kosovarëve për zgjidhjen e problemeve rrethë krijimit të institucioneve të tyre,  janë të zotët apo nuk janë ta bëjnë tranazicion politik në vendin e tyre ?!

Por askush nuk e parashtron pyetjen (hipotetike), çka nëse edhe pas zgjedhjeve te jashtzakonshme krijohet e njëjta situatë bllokuese në kuvend, si do të veprohej tutje?, do shkohet prap në zgjedhje deri nënxjerrjen e rezultatit të dëshiruar!

Prandaj në momentin e tanishëm zgjedhjet nuk janë zgjidhje, por vetëm prolongim i qeverisjes aktuale (Thaçi plus) dhe vazhdim i situatës së nderë dhe kaotike në dëmë të qytetarëve të vendit.

Zgjidhja e "lëmshit" politik fillimisht duhet kërkuar nga shkaktarët e situatës bllokuese në kuvend (pushtetarët aktual), e më pastaj të kalohet tek akterët e tjerë (LAN-i).

Tërheqja imediate e kryeministrit nga pozicionimi bllokues, dhe jo vetëm kaq,...tërheqja e tij nga skena politike dhe jo vetëm e tij (një grupi më të gjërë politikanësh tashmë të konsumuar), do t'i hapte rrugë jo vetëm zgjidhjes politike të krijimit të institucioneve, por do të hapej edhe një derë e madhe e zhvillimit socio-ekonomik si kusht i vetëm dhe i domosdoshem i ecjes përpara të shtetit të Kosovës.

Ky do të ishte veprim i duhur, i mençur, pragmatik, madje edhe akt patriotik i cili do t'ua hapte rrugën proceseve demokratike të vendit tonë, do t'ua krijonte mundësinë e aktivizimit të të rinjëve etuziast në politikë, gjë e cila do t'ua hapte rrugën reformimit dhe profilizimit të disa partive politike në vend.

Tërheqja e kryeministrit jo vetëm që do të mundësonte heqjen e barrikadave në parlament, do ta kursente edhe kohen e ndonjë "akademiku" që të merrej me kënaqjen e orekseve të tij politike,...deri këtu ka arritur marrëzia e ndikimit të injorances politike ndaj "ajkës" intelektuale të vendit tone.