Demir Krasniqi: Tmerri i krimit

Demir KRASNIQI

 

TMERRI I KRIMIT

 

Në këto troje t’ Ilirisë –

Kurrë s’ndriçoi rrezja  e Lirisë !

 

Në këtë tokë ku ka shqiponja –

Kurrë s’u ndal krimi , as mortja !

 

Kurrë s’u ndal dhuna e përplasja ,

Kurrë s’u ndal vrasja e vëllavrasja !

 

Kurrë s’u ndal tmerri , as marrja ,

Kurrë s’u  ndal pushka e hakmarrja !

 

Kurrë s’u  kursyen fëmijët bonjake ,

Kurrë s’u  mbyllen burgjet shtëpiake !

 

Kurrë s’u  mposht Kanuni i Lekës ,

Kurrë s’ u ndalen plagët e vdekjes !

 

Kur lexoj tmerret e krimit –

S’ më zë gjumi prej trishtimit !

 

Rrugë e sheshe mbushë me gjak –

Çdo ditë vrasje për t’ marrë hak !

 

Ligjet tona – ligje hileje –

Stimulojnë krimet n’ familje !

 

Gjëmë e vaj e  marrin malin –

Kur e vret Babai – Djalin !

 

Edhe Dielli  dritë nuk banë  –

Kur e vret Djali – Babanë !

 

Terri i zi e mbulon  dritën –

Kur e vret Babai – Çikën !

 

Terr i zi mbulon havanë –

Kur e vret Çika – Babanë !

 

Yjet e qiellit rrezet  ndalin –

Kur e vret Nëna e vet – Djalin !

 

Retë e zeza  errësojnë Hënën –

Kur e vret Djali i vet  – Nënën !

Zogjtë e malit u ngurruan –

Kur e vret Burri  i vet – Gruan !

 

Gjëma e vaji e shpojnë gurin –

Kur e vret Gruaja e vet  – Burrin !

 

Gjëmon  bjeshkë e gjëmon  det –

Kur vret Vëllai – Vëllain e vet !

 

Mallkojnë bukën , mallkojnë sofrën –

Kur e vret Vëllai  i vet – Motrën !

 

Qyqja e rremit s’e ndalë vajin –

Kur e vret Motra – Vëllain !

 

Fëmijët n’ shtëpi kur rrinë ngujuar –

Lum prej lotësh turbulluar !

 

Thahen lule , thahen  molla –

Kur fëmijët s’ mund t’ shkojnë te shkolla !