Demir Krasniqi: Gjuha jonë

Demir KRASNIQI

GJUHA JONË

Për pa fol nuk po kam çare ,

Për një temë që s’ është hajgare ;

Sepse gjuha jonë letrare –

Nuk është gjuha jonë kombëtare !

Kjo është gjuhë idealiste –

Dalë nga qarqet enveriste ,

Duke i dhanë kahe toskërishte ,

Duke lanë anash gegërishte !...

Shqiptarë jemi toskë e gegë –

Mu si lisi me dy degë !

Por , n’ këtë tokë tonë ilirishte –

Tri të katërtat flasin gegërishte !

Enveristët në gjuhësi –

N’ histori banë padrejtësi !

Por , këta njerëz herët , a vonë –

Historia do t’i  gjykon !

Me u hy n ‘ hatër ndërkombëtarëve –

Po e përbuzin gjuhën e t’ parëve   !

Po bëjnë gara porsi rrëmuja –

Kush përdorë më shumë fjalë t’ huaja ?!

Mos more njerëz ,  mos bëni lojë –

Djepi i juaj do t’ iu mallkojë !

Iu mallkojnë nënat shqiptare –

Me gjuhë tonë nuk ka hajgare !

Iu mallkon shqipja  dykrenore ,

Iu mallkojnë  trojet arbërore ,

Iu mallkon gjaku i  Kastriotit ,

Iu mallkon gjuha e Zotit !