Nebi Dragoti: Bëje librin mik

NEBI DRAGOTI

NJË LIBËR MBYLL, NJË TJETËR HAP

 

BËJE LIBRIN MIK

 

Mos vrit kohën kot,

bëje librin shok!

Aty merr kulture,

aty merr dituri;

në jetë vlerë të kesh

të bëhesh dikush.

 

Kurse në lekë

dhe libra merrë

siç bënte Gorki i madh,

që u bë talent,

për tërë botën

u bë shkrimtar

me famë.

 

E ke dhe ti një ëndërr

shans,gjithë gëzime,

kur të rritesh;

pra,më mirë,

rritu me lexime,

veç lexo tani

për ta arritur

për të arritur

të rejat shtigje.

 

Kot mos rri,

bëje librin mik;

leximi,leximi

të zbukuron mëndjen,

shpirtin

ta bën lëndinë

të pasur

flori!

 

 

BEBET

 

Bebet buzëqeshurat,

bebet e njoma,

luleçelurat,

bebet erëmira

të ëmbla,

të dashura,

të shtrenjtat.

 

I kemi xhan,

si kukulla,

i hedhim mbi:

hopa-hopa!

Poeti i ka zemër,

i do me shpirt

ky xhaxhi Nebi!

 

Bebet tona,

fjalë ledhesh,

cicërima harabelash,

bukuri kanarinash,

fjalët gjysma-gjysma

mbushin shtëpinë,

në dukje

si flutura luadhesh

ngjyra-ngjyra

e gjithë gëzim.

 

Xhaxhi poeti

mbledh zogjtë këngëtarë

nga janë,nga s’janë,

kur bini në gjumë,

u sjell tek koka

melodi bilbilash

të rriteni më shumë.

 

Pse u duam kaq fort,

a e dini pse?

Më shumë të na dëgjoni,

fjalën dysh

mos të na e bëni,

më tej nga ditët tona

të rroni!

 

 

MOTËR E VËLLA

 

Motër e vëlla

grinden,

bëjnë debat:

vëllai vëlla do,

motra do motër.

 

Ah,sikur nëna në bark

të kishte binjak,

të dyve t’ua plotësonte dëshirën:

një motër për motrën,

një vëlla për vëllanë!

 

Mami e babi qeshin,

dy fëmijëve

s’duan tua prishin qejfin!

 

 

NJË LIBËR MBYLL,NJË TJETËR HAP

 

Arrite në faqen e fundit:

të lumtë Albana,

dritare ke çelur,

sheh fusha,

hapsira,

gjelbërime…

 

Në kujtesë ke mbjellur

vlera për jetën,

vlera njohurish,

përkulur, vëmëndshëm

në burime të smeraldë:

një libër mbyll,

një tjetër hap

dhe ecën sakaq

në rrugën e bukur,

në rrugën e gjatë.

 

Të qoftë udha e mbarë!

2014.