Dibran Demaku: Do kemi zgjedhje

Dibran Demaku

DO KEMI ZGJEDHJE

Dhe nisi fushata do kemi zgjedhje

dikush me të katra nuk lodhet në bredhje!

Partitë e majta,partite e djathta

zgjohen nga gjumi tregohen të shkathta!

Me premtimi të zëshme do ndryshojnë botën

andaj o popull mos e kurse votën!

Ose sot ose kurrë se të erdhi dita

kandidatët e propozuar janë sy-petrita!

Limonët e shtrydhur i ndërrojnë partite

ishin të ndrydhur ëndërrojnë pozitë!

Ëndërrojnë vend "nën diell" postin e deputetit

që nga lagje e fshatit në zemër të qytetit!

Të kaluarën politike e hedhin në kosh

të ardhmen patetike me zotime e fjalë bosh!

Dhe nise fushata do kemi zgjedhje

dikush me ca kartëra do bëjë përdredhje!

Do bëjë përdredhje me kuti me vota

për një grusht vjedhje s`përmbyset bota!

Kosovë e varfër pa ujë e pa drita

të rrofshin zgjedhjet dhe deputetët petrita!...