Nebi Dragoti: Rubai e haik në satirë

NEBI DRAGOTI

 

RUBAI E HAIK NË SATIRË

 

1-

Mburren mburracakët buburreca,

se kanë intuitë e janë intelektë,

se shpejt e shpejt shkruajnë vjersha;

mburren mburracakët buburreca…

2-

E lyp mëshirën,o i penduar,

po pse arrite të lypësh mëshirë?

Më mirë të jesh i vetëkorigjuar

se sa fatin ta çosh në tjera duar.

3-

Vaj medet,fajin ,o i mallkuar,

para se ta bësh nuk e gjykove,

sa keq, nga koka e ke pësuar,

jetë shkon brengosur e helmuar.

4-

Nuk ta desha,jo,fjalën me hile,

fjalë miqësie derdhke kot;

në shpirt qënke ujk me zile,

e kotë,s’meriton pikë mëshire.

5-

Me gas e iluzione mbushur kjo Botë,

gdhihet,ngryset,jeta na ikën;

e,ç’priske tjetër ti,mor shok?

Jeta për sa jeton hallall të qoftë!

6-

Kjo jeta qënka rrotë në lëvizje,

i zoti është kush rrotën e drejton,

veten s’e merr, kur has në rrëshqitje…

Dhe është më keq:pakthimi në ikje.

7-

Po qe se pi:çmenduri ke pirë!

Rakinë,të paktën ,pije për vete!

T’u bëftë gjak e të bëftë mirë,

thumb i pirë mos godit me brirë!

8-

Mëngjes,drekë,darkë

rrumbullakosur,rrumpallë,

kështu në ecje,në fjalë,

mbjellke dhe korrke rrumpallë.

9-

Verë e kuqe,ti lëng rrushi,

me karar në muhabet e fjalë;

zemrën e nxeh dhe e bën zjarr,

kur kalon kararin,më bën djall…

10-

E godite hallin!Hall mos paç!

Njeriut hallet nuk i ndahen,

pas njërit vjen një tjetër hall,

vjen si një kalë plak gërdall.

11-

Cjapi përçor na kërkonte këmborë,

kundërmon erë përç ngado shkon,

sakaq në politikë del triumfator;

e ka nga dhitë:i vunë kurorë!...

 

***

Ç’monedhë jep,

nuk e ditke?!

Mbrapsht atë merr.

***

Ti më shikon

me njërin sy:

nuk të shikoj me të dy.

***

Hyra…

Bëre sikur s’më pe,

edhe unë dola  pa të parë.

***

Në sjellje të toleron tjetri,

por…për kulturë,

i pa kulturë,mos e bë rrugë!

***

Bukurinë e fryve tepër,

bukurinë(…)

e qenit bishtprerë.

***

Armiku

i vendit tim

armik më ka mua…

***

Ti për vlerë

mburrke veten…

vlera i jepet atij që ka vlerë.

***

Vlera

me meritë vlere

shton vlerën.

***

Larg hatërllëqeve

e çmoj vlerën

realisht,kur vlerë ka.

***

Jep shumë,

pak merr;

në djall kush ha djersën!

***

Shikoje: haiku satirik

lule në vlerë sociale.

Leksion dhe për politikën.

***

Gjuhësinë mos e prish,

mësoje dhe thuaj:

një haik…ca haiqe.

***

Dritëshkurtri njeri

mbjellka vetëm pemë për hije…

Mbill pemë për kokrra!...

***

Kërkon të dalë në ballë

me bërrylat e forcës fizike,

se nga mendja është pa farë.

***

Leku qënka dhe antivlerë,

kur bëhesh egërsirë…

ujk korrupsioni…

***

Për dreq mbjellke ferrë;

lumë kush mbjellë

një rrush,një ulli…

***

Shan pas krahëve,

burrac,teveqel;

frikacak,dil përballë!

***

Në klub në mëngjes,

në drekë në klub prapë,

në klub prapë në darkë!

***

Nuk e blen gazetën:

merr kafe e raki,

si analfabet tërë jetën…

***

Mediokritete zhgarravit,

ende pa vdekur

veprat ia mbuloi pluhri…

***

Me djersë ke

të korra të mbara;

pa djersë as goja nuk vjel…