Nebi Dragoti: Ku Lazarati... ku shteti?

KU KOLORADO…KU LAZARATI…KU SHTETI?...

NGA NEBI DRAGOTI

Çdo qeveri, para se të veprojë, duhet të pyesi veten, se çfarë po bën, si do ta bëjë, pse do ta bëjë, çfarë fiton shoqëria, pastaj…a është dobiprurëse dhe, në fund,  çfarë përfiton shteti.Ndryshe, të hedhësh ide, që ngjallin konflikt debatesh dhe revoltime, se shkatërrojnë shoqërinë dhe janë në dëm të saj, kjo tregon paaftësi politike dhe, njëkohësisht, vullnet të dobët për të punuar efektivisht, gjersa gjen, kështu, rrugën më të shkurtër dhe të gabuar.Jepet lajmi, se legalizohet përdorimi i drogës në Kolorado të SHBA-ës.Madje , legalizohet jo vetëm droga si hashashi, por edhe kanabis sativa e llojet e pijeve të rrezikshme.Këto pije shkatërrojnë psiqikën e njeriut dhe e tjetërsojnë atë.Shtet modern apo shtet djall?Shteti priret nga e mira apo për t’i bërë të keqen shoqërisë?Nëqoftëse koloradasit do të jenë përdorues të drogës(u kërkoj ndjesë për shprehjen), atje nuk kemi më shoqëri njerëzore, por shoqëri drogaxhinjësh pa ide, pa ideale e personalitet për jetën.Pra, shkurt, do të kemi turma gjallesash, që do të jenë ujk për njëri-tjetrin.Në e këtë aspekt, ka një shprehje shqip në  kuptimin, këtu,  për të keqen:”Sheh rrushi rrushin e piqet”.Një përdorues droge nuk është për familjen, nuk është për punë, se dembelizohet dhe në mëndjen e tij të çmendur nuk ka ide për progres, ka ide për regres dhe mendja i punon për të shkatërruar.Kush do të punojë për të prodhuar të mira materiale  produktesh ushqimore apo industriale,  për të cilat njeriu ka nevojë dhe pa to nuk jeton do?Po të ishte e mirë lënda e drogës, (droga të ishte jetë e mjaltë)nuk do kishte përse të mbilleshin kultura bujqësore , nuk kishte përse përdoruesi i drogës të penalizohej me privim lirie duke u dënuar me vite burgimi kapital.Të droguarit janë parazitë dhe armiq të shoqërisë.Përdoruesit këtu në Shqipëri izolohen nga shoqëria dhe një numër i konsideruar vuajnë për krimin që kanë bërë. Ky numër nuk dihet sa është , dhe shteti nuk jep statistika të tilla.Ky qëndrim shtetëror është i drejtë vetëm në drejtim të zbatimit të ligjshmërisë që ka vendi, por e keqja mbetet, se shteti nuk ka forcë ta parandalojë dhe, se kjo nuk është forca e shtetit që duhet treguar,  që për shkelje të kësaj ligjshmëria të dënojë sa më shumë qytetarë.Kjo është politika më e keqe e një shteti,  cilido qoftë ai edhe në mbarë botën, sepse edhe bota grryhet përbrenda nga kjo sëmundje.Pse politika shtetërore mos t’i japi prioritet shtimit të produkteve të ndryshme bujqësore, blektorale, frutikulturës, duke rritur , kështu, edhe numrin e të punësuarve që edhe një numë i mirë të rinjësh mos të sorollaten rrugëve duke përqafuar vese nga më të këqijat, që dëmtojnë mbarë shoqërinë.Kjo dukuri negative shikohet më shumë në qytet dhe disi në fshat ku janë të lidhur me tokën.Ne e pranuam këtë system dhe nuk kemi përse të kujtojmë me nostalgji sistemin e komunizmit për rendin dhe qetësinë publike, që ka pasë.Pra, në këtë fokusim duhet analizuar, se cili është shkaku i kësaj gjëndje shoqërore ku jemi dhe, për të mirën tonë, me bisturi duhet operuar kjo plagë kanceroze, që rrezikon edhe vetë këtë sistem.Pra, shteti, qeveria e çdo rrotacioni politik duhet të jetë në lartësinë e duhur për të rrokur prej brirësh problematikën shqetësuese duke e qetësuar atë drejt një jete sa më njerëzore.Secili duhet t’i bëjë vetes pyetjen për të gjitha këto prapësi:”Pse në sistemin totalitar nuk njihej dhe kultivohej droga?Përgjigja ime është e thjeshtë:nuk punohet.Konkretisht, nuk punon qendra, nuk punon edhe baza, edhe shoqëria.Nuk duhet harruar shprehja:”Me punë arrihet çdo gjë!”.Sa mirë do të ishte, që në filozofinë e këtij shkrimi për jetën, të shprehte mendimin një përfaqësues i ambasadave të huaja për Koloradon, edhe për “kolorado”të tjerë, se çfarë ndjen ai dhe cila do të jetë e ardhmja e shoqërisë njerëzore, cila është politika më e mençur që duhet të ndjeki çdo shtet për problemin në fjalë?Gjatë gjithë tranzicionit përsëritet:Lazarat…Lazarat…Lazarat…dhe deklarohet ideja e këtyre kultivuesëve, se me këtë tregti të pistë ushqehen dhe jetojnë, por…ama duke dëmtuar të tjerët, përdorusit e çmendur, që nuk kanë dashuri për familjen dhe njeriun.Sa krime edhe brenda familjes janë kryer nga të droguarit.Edhe në Itali(nga lajmet televizive)i biri rreh të atin, se donte lekë për të blerë drogë.Shteti nuk analizon pse-në, nuk jep evidencë për parcelat e mbjella, se si duhen zhdukur, se ka gjetur rrugën më të shkurtër:”Kape dhe përplase në qeli!”.Po pse kështu qeveritarë?!Droga mos vallë kultivohet në qiell dhe ne nuk e arrijmë ta ndalojmë?Jo, jo, jo!Ajo kultivohet në tokë dhe dihet se ku mbillet.E di qeveria lart.Në bazë e di pushteti lokal.E dinë organizatat e shumta partiake, por…nuk pu-no-het.Ka dy dekada e ca, që Shqipëria është në allishverishe droge.Implikohen e bashkëpunojnë segmente apo individë policie, drejtësie, partiakë edhe lart edhe poshtë, ndërkohë mban iso dhe hedh valle fenomeni i korrupsionit.Ku, ku shteti!Ku, ku shteti ligjor!Shteti ligjor di vetëm të mbushi burgjet.Kjo është???Aspak nuk është kjo!!!Duhet bashkëpunim mendimi dhe aksioni të jetë me përqëndrim total në ndalimin rreptësisht të kultivimit të bimëve të drogës.Është shumë keq:ka luhatje, ka lakime mendimi edhe këtu tek ne, që të legalizohet kultivimi dhe përdorimi i hashashit.Dhe mbas kësaj vinë të këqijat e tjera me radhë.Shtohet kriza akoma , se në krizë jemi.Shtohet eksporti i drogës nga Shqipëria drejt shteteve fqinjë dhe botës.Ja , këtë kemi dhuratë, kur nuk punohet.