Dibran Demaku: Me këmbë të mbarë

Dibran Demaku

 

ME KËMBË TË MBARË

(Nismës…pas lindjes)

 

Me gëzim pa zhurmë e pa krisma

me nxitim seç na lindi-Nisma…

 

Thuhet se lindi për të mirën e Kosovës

gojëkëqinjtë thërrasin: Të fala Gjakovës!

 

Dy ish komandantë në luftë e në paqe

për PDK-në të merrnin gjak në faqe.

 

Kishin peshë të madhe në boqën e kandarit

gjithnjë renditeshin fill pas kryetarit.

 

Se si nisi hidhërimi se si shkoi

rrugës së nisur dikush dredhoi.

 

Në partinë e re të dy janë kryetar

njëri kryetar partie, tjetri i këshillit kombëtar!

 

Që asnjërit mos t`i ngeli hatri

gojëkqinjtë sërish thërrasin: Dy aktor teatri!

 

Partia nga ikën i përcjell me shpoti

-Janë konsumuar-thonë për të bërë parti!

 

-Edhe nëse formojnë parti zor të kenë suksese

Ne i njohim ata-të dy janë me vese!

 

-Nuk dine të nderojnë as mikun as mikën

në jetë mbi gjithçka-ata duan karrigën!

 

Kështu flasin e bërtasin ata më besnikët

të tjerët të lodhur nga gjumi mezi i luajnë qerpikët!

 

Partitë e vjetra i shohin me zili

me partinë e re duan të bëjnë krushqi.

 

Të lidhin krushqi, të pijnë bashkë nga një gotë

mbase në zgjedhje e shkëmbejnë ndonjë vote!

 

Në Prishtinën-kryeqytet pa ujë e pa lumë

të gjitha janë me pakicë,veç parti janë shumë!

 

Me këmbë të mbarë moj parti e re

mos e zhgënje veten-mos na zhgënje ne!...