Dibran Demaku: Për ty Kosovë

Dibran Demaku

PËR TY KOSOVË

(në përvjetorin e Pavarësisë)

Për ty Kosovë

për ty moj Nënë

është pak një rreze

pak është një hënë

Është pak një qiell

me gjithë planete

pak është një diell

oqeane e dete

Para madhështisë tënde

gjithçka është pak

dhe zemër e trimit

që derdhi gjak

Unë jam yt bir

dhe t`i njoh hallet

në ëndërr a delir

“bota në ty le të kallet” *

* varg i Ali Podrimjes