Përparim Hysi: Shën Valentini i ''vonuar''

SHËN  VALENTINI  I "VONUAR"

Nga Përparim Hysi

Shikimin ke ndjellës

Buzëqeshjen të çiltër

Je  e veshur enkas

Sikur sot s'është dimër.

Je e gazëllyer

Për Ditë Shën Valentini

Pse ç'më ke pandyer

S'merr vesh, Përparimi?!!!

Sytë u ndezën zjarr

Goja e purpurtë

Sado i moshuar

Vallë, a mund të rri urtë?

Buzën vë mbi buzë

Edhe ndjej psherëtima

Ndizem zjarr  e shpuzë

Shpirti ndahet grima.

Supet lakuriq

(Lele, u bësh akull)

Dhe u vush në "kryq"

Aq sa sosa shakull.

Por ti më jep forcë

Veç me tënden frymë

I bekuar më qofshë,

O SHËN VALENTIN!...

Paksa me vonesë

(Pleqëria s'shpejton)

Ende kam "licencë"

Ende dashuron...

Tiranë, 14 shkurt 2014