Ramiz Lushaj: Harku ynë i dhimbjes

HARKU YNË I DHIMBJES

-Kushtuar Mbretreshes sonë të Këngës, VAÇE ZELA-

Nga Ramiz LUSHAJ

Zëri yt  Vaçe Zela eteron mbi duartrokitjet e politikanëve

Kangët e tua i qetësojnë ata pas emisionit të lajmeve...

Këta që të lanë të ikje mërgimtare, në të largtin Bazel.

Para madhështisë tande do tw përulen për të fundit herë.

Po vjen në krahët e Shqipes, stërmbesë e Gjergj Kastriotit,

Kangët e zogjëve po të përcjellin  nëpër  “Udhën e Kombit”.

As Teuta e Geraldina nuk patën homazhe nderimi  në tre shtete.

Mbretëreshë e këngës, Europën e Bashkuar na e solle me vete...

Amaneti yt , sikur kanga, nuk njeh kufi  për me ardh tek Nana...

O, “Harku ynë i Dhimbjes”: të përcjell Prishtina e të pret Tirana.

Zëri yt i rrallë e ndjente se bashkë me pranverën do të (ri)vije tek ne...

Kur e këndoje hyjnisht “Valsin e lumturisë”...“mbi të bukurin Atdhe”...