Agim Gashi: Nuk harrohet Vaçe Zela

AGIM GASHI

NUK HARROHET VAÇE ZELA

Na u shue një zë i artit

Na u shue për mos me u shue

Në zemër t´shqipes gjithmonë prore

Kënga e saj ka me jehue

Një kitare varr në muri

Fshan nga dhimbja dhe loton

E paska marrë malli i Vaçes

Që sa kohë po e kërkon

Sot n´mëngjesin e gjashtë shkurtit

Shpirti i Vaçes ju ka afru

Ja ka dridhë telat përmallshëm

Kurr ma bashkë mos me këndu

Lamtumirë kitarja ime

Lamtumirë moj këngë shqiptare

Tanë një jetë Ty të këndova

Me dashuri ndjehesha krenare

Lamtumirë i tha kitarja

Lamtumirë një popull mbarë

Në zemër t´këngës kujtim malli

Krenaria e popullit shqiptar

Lamtumirë o Vaçe Zela

Po të them me sharkinë time

Po t´betohem në sytë e ballit

Për Ty qan sot zemra ime

Mbi qiell të Arbërit fluturove

Kujtim këngët Shqipërisë

E pavdekshmja përgjithmonë

Prore n´zemrat e rinisë

06.02.2014

Düren