Kostaq Duka: Mosha

Kostaq Duka

Mosha

-Triptik-

Numërat

30.40.60. 80.100

Numërat janë numëra

të ftohtë si gurët kilometrikë.

Tre shifrat në jetëgjatësi u japin shpresa të gjallëve

për të shpresuar në rrugëtim dhe kaq.

Shifrat janë shifra, të ftohtë,pa ngjyrë.

rëndësi ka në vitet që lemë pas ç’zjarre ndezëm:

Për të ngrohur të tjerët

apo thjesht, për përvëlim e shkatërrim.

Fara

Ju lutem mos thoni iku i ri

kur fara që mbolli

sot është kthyer në pemë gjigande.

Ku hije, freski e muzikë gjethesh do shijojnë

gjithë fëmijët e njerëzimit që nesër do vijnë.

Kënga

Shijojini këngën,

drithërimën e fjalës

mendimin e thellë që shkon tek të ikurit

dhe ata që do të vijnë….

Shijojeni

dhe jetoni jetën.

Nëse flokët e tij janë të bardhë si bora e majave që s’shkrin kurrë

ligjërimi i  tij

ka pastërtinë e rrëkezës,

që kurrë s’humbet freskinë edhe pse bashkohet me lumenj të mëdhenj

e të sertë.

Janar 2014