Tomor Lelo: Xhelku - Albania

XHELKU - ALBANIA

 

Nga Vlora na vjen telegrami

Për të madhin Xhelku Albani

Me vargje që mi do xhani

Bir i shtrenjtë i këtij vatani

 

Kush s’e njeh këtë njeri

Zemërluani n’Rumani

Si zjarri që lëshojnë drutë

Çdo Albani në çdo skutë

 

Dojna e dashur sqimëtare

Mjaltë i pikon prej çdo fjale

Besnike, trime dhe bujare

Siç e do tradita shqiptare

 

Xhelku u rrit e na u rritë

Në djepin e butë patriotik

Xixa strralli i lëshojnë sytë

Këtë vëlla e kemi mik

 

Edukatë u dha fëmijëve

Kristia si hëna mbi yje

Mjaltë lulesh prej Shqipërie

Aromë e gjallë e çdo shpie

 

Për të s’vlen paja dhe prika

Për çdo ditë i shtohet merita

Ashtu siç e do tradita

Duhet si Elena Gjika

 

Ti baba ke Sefedinë

Që drejtonte koloninë

Patriot i mbylli sytë

Amanet e la Albaninë

 

Bëri bujë nëpër vite

Bir i Kërçovës fisnike

Në momentet historike

Diti të ruajë dhe relikte

 

Ti je dritë e profesor

Mëndjendritur orator

Si Ismaili ynë në Vlorë

Mal mbuluar me dëborë

 

Po lufton si shkencëtar

Për Bashkimin Kombëtar

Si Nikollë Naço më parë

Si Mihai Trimi legjendar

 

Diaspora me albanë

Që jeton në ato anë

Xhelkun si busull e kanë

Kreshniku që mban kalanë

 

Nderimet vijnë nga shtëpia

Dhe nga e gjithë Albania

Çdo ditë të shtohet lavdia

Ke uratë dhe nga Perëndia

 

Tomor Lelo

(President i Ansamblit foklorik “Çiçini”,

Vlorë, 25 janar 1995. Zgjodhi për shtyp: B. Y.)