Gjon Neçaj: Po me Donikën ç'patët?!

PO ME DONIKËN Ç’PATËT ?!

Nga Gjon Neçaj

Donika Gërvalla, vajza e patriotit Jusuf Gërvalla, sipas mediave të Kosovës, duke folur për vrasjen e babait , Jusufit ,  Bardhosh Gërvallës dhe  Kadri Zekës më 17 janar 1982,  ka thënë  se qeveria gjermane po vazhdon hetimet për këtë vrasje. Duke folur rreth këtyre hetimeve në Gjermani,  Donika ka theksuar se në dosjen e hetimeve  ka edhe emra të pjesëtarëve të qeverisë aktuale të Republikës së Kosovës. Gjithashtu, haptazi ajo ka kritikuar edhe qëndrimet e qeverisë aktuale kosovare në lidhje me bisedimet me Beogradin, kursin e ndjekur nga LDK-ja dhe drejtuesit e saj, etj., etj.Duhet të ikin lëvizja statike e LDK-së, theksoi Gërvalla.

Ajo gjithashtu ka folur  edhe për udhëheqjen e re të Prishtinës dhe në këtë plan  nuk është pajtuar me disa hapa të kryetarit  të komunës, Shpend Ahmeti,  sidomos ndaj  simboleve të Kosovës dhe trajtimit që ai i bën disa personaliteteve të saj , si ish-presidenti Rugova, etj.

E për ç’ka ngriti vajza e Jusuf Gërvallës në intervistën e saj, kishte plotësisht të drejtë për mendimin tonë, pasi vërtetësitë e mendësitë e shqiptarëve të stërmunduar kohërave bartin ende sot mbi lodhjen dhe pritjen e gjatë të ndryshimit, e ku shteti amë ka 23 vjet me një popull të shumëvuajtur shqiptar dëgjon sloganin e perhershem '' drejt Europes, drejt Europes !''.Po në ne zemër të Europes jemi, ku duhet të shkojmë ?! A mos vallë duhet lëvizur graviteti i tokës për të ''hyre'' në këtë Europë, ndonëse pjesë përbërëse  e saj jemi? Për ta kuptuar më mirë mesazhin që përcjell ndër shqiptarë Donika, po sjellim një episod të para nëntëdhjetës.E pyetën një udhëheqës të lartë të shtetit për Traktatin e Varshavës : Pse dolëm prej tij ? Ne nuk morëm pjesë kurrë në të, u përgjigj ai.As në Europë, ne kurrë s'paskemi qënë pjesë e saj ? Zot na ruaj nga marrëzitë, se kurrë nuk kemi ditur c'ka po bëjmë as kurrrë s'po dimë si të bëjmë...Ishalla tani e tutje mbushemi mend.

U desh kaq,  e t’i hidhet benzinë zjarrit në Kosovë, Shqipëri e kudo.Donika Gërvalla quhet komuniste, mbrojtëse e idelave të diktatorit Hoxha,  e bile media prestigjioze nuk ngurruan të botojnë foto të Donikës me Enverin, ndërkohë kur ajo ishte vetem 3 vjeçe, etj., etj.

Po pse o shqiptarë të kombit  tim, a e kuptoni se ne tashmë jemi jashtë censurës dhe liria e shprehjes është e hapur,  e madje kritikohen edhe liderët,  e bile shumë, shumë , që drita e diellit të shkëlqejë edhe mbi ne, shqiptarët.

Atëherë ‘patët me Donikën ?!