Agim Gashi: Dhuratë kënga për ditë flamuri

AGIM GASHI

DHURATË KËNGA PËR DITË FLAMURI

 

Dikur moti në tokën time

Bukur këndonin dy Kumrija,

Njëra iku e shkoi n´kurbet

Pa tjetrën thatë mbeti shtëpia.

 

Shkoi larg, larg n´veri të botës

Ku bie bore, pa ndal bie shi,

Asaj toke mbushur liqene,

Kumrija jonë i ngjall freski.

 

Kenka ulur në cep t´një shkëmbi

Pranë një liqeni këngë me këndu,

Mendja i shkoj te Kumrija tjetër

Kënga në vaj iu shëndrru.

 

Hem këndonte e hem lotonte

Kënga në etër fluturoj,

Prite, më tha o Agim Gashi

Me gjithë zemër ta dhuroj.

 

Është me lot´  kënga e kënduar

Me zjarr Kumrija ta dhuron,

Edhe sofren me lot´ e kemi

Mërgimtari kështu jetë kalon.

 

Na vin festat e fundvitit

Na ka ardhë 28 Nëntori,

Për nder t´festës së flamurit

Prap Kumrija këngës ja mori.

 

Më tha pash besën o miku im

S´bashku një këngë o me e këndu,

Gjithë shqiptarëve në këtë rruzull

Ditën e Flamurit me ua Uru.

 

Pra Urime motra e vllëzër

Nga unë edhe Kumrija,

Kur t´bashkohen tokat shqiptare

Atëherë bëhet edhe Nënë Shqipërija!