Pirro Prifti: Armët kimike? - le të dëgjojmë SHBA

Armët kimike? le të dëgjojmë SHBA, por Jo disa kukuvajka te ish-komunizmit

Nga Prof. Assoc. Pirro Prifti

Dihet se ku e degdisën për 23 vite rresht intelektualët ish-komunistë  `më të mirë` të Ramiz Alisë Shqipërinë, dhe nuk është  nevojshme që po këta intelektualë të diktaturës (ashtu si kukuvajkat), qofshin të përfshirë në të ashtuquajtura shoqëri civile, apo në drejtimet e partive politike, apo si intelektualë të pavarur,- të  marrin përsipër mbrojtjen e mjedisit të  Shqipërisë ose integrimin e saj në BE. Për shkak të drejtimit 23 vjeçar të tyre Shqipëria është kthyer në një vënd pa ligje dhe në një rrumpallë të vërtetë.

A duhet të kenë gojë këta kukuvajka të ngrenë zerin sot për armët kimike?!

Problemi i Armëve Kimike është një problem që lindi këtë muajin e fundit pas pranimit nga ana e Sirisë në luftë civile e fetare, për të larguar armët e saj kimike nga territori i vëndit të saj dhe eliminimit të tyre.

Askush  deri tani, nuk ka vendosur Shqipërinë si vëndi pritës për eliminimin e tyre.

Asgjesimi i armëve kimike nuk është një detyre e Shqipërisë, dhe nuk ka lidhje me importin e plehrave apo me ndotjen e mjedisit për të cilin çirren e bërtasin nëpër televizione dhe media po të njëjtët intelektualë ish-komunistë qofshin ata dhe që ishin nëpër burgje (por jo se e deshën sistemin kapitalist), të cilët porsi ata korbat që u ka rënë djathi poshtë, kujtojnë me nostalgji  (sigurisht të fshehur) dhe flasin haptazi për anti-amerikanizmin e baballarëve të tyre.

Asgjësimi i armëve kimike është një aspekt i detyrimeve që ka Shqipëria si anëtare e NATO-s, dhe nëse NATO- e kërkon, Shqipëria është e detyruar ta zbatojë ashtu sic krenohet që është në NATO.

Askush nga vëndet anëtare të NATO-s dhe aq më pak SHBA mendojnë ashtu si këta individë t ë ish-komunizmit që kanë zaptuar televizionet private dhe mediat , se do të ndotin tokën shqiptare me armët kimike të Bashar Al Assadit, përkundrazi edhe nëse do të pranohej një supozim i tillë, Shqipëria do të kishte  pranë saj të gjithë përkrahjen teknologjike dhe të burimeve njerëzore profesionale të SHBA dhe të NATO-s. Kjo s`ka diskutim.

Zërat e ngjirur të këtyre Korbave  të ish-komunizmit nuk mund të eklipsojnë ndihmën e pakursyer të SHBA-ve dhe të NATO-S dhënë Shqipërisë gjatë gjithë këtyre 23 viteve, dhe është pikërisht faji i Korbave të komunizmt që Shqipëria edhe sot e kësaj dite nuk është integruar në BE, që Shqipëria është ndotur dhe ka dëmtuar të gjithë sipërfaqen e saj duke humbur tokë të klasit të parë, duke betonizuar vëndin, duke larguar 1.4 milionë njerëz nga atdheu për bukën e gojës, duke krijuar idenë e mos zbatimit të ligjeve, pra duke e kthyer Shqipërinë gjithë këta vite si një han pa porta, me kufinj që na i ruajnë të tjerët, dhe më shëndetin që na i ruan Zoti.

Atëhere del një pyetje e thjeshtë; ç`kërkojnë përsëri këta intelektualë ish-komunistë? Kërkojnë që të prishemi me të vetmin aleat që kemi dhe që na ka marrë për dore për të na nxjerrë nga bataku nga ku kishin rënë, për shkak të konceptit komunist të luftës së klasave, dhe aftësive të tyre diabolike për të vonuar demokracinë në Shqipëri?

Në asnjë mënyrë. Edhe të rinjtë e disa universiteteve rajonale janë nxituar në daljen në demostrata, kundër sjelljes së armëve kimike për ti asgjësuar këtu në Shqipëri.

Sa për armët kimike ato mund të asgjësohen me disa mënyra teknologjike  dhe vendimi se kush shtet do ti pranojë, do të realizohet më 15 nëntor sipas vendimit të Këshillit Egzekutiv të Organizatës për Ndalimin e Armëve kimike. Sausan Ghosheh (përfaqësuesja e Organizatës ndërkombëtare), tha se më datë 15 nëntor pritet të mblidhet Këshilli Ekzekutiv i Organizatës për Ndalimin e Armëve Kimike, për të vendosur lidhur me procedurat e shkatërrimit dhe vendi.

“Procesi është duke shkuar sipas planit dhe ne, aktualisht, jemi në pritje të mbledhjes së Këshillit Ekzekutiv të Organizatës për Ndalimin e Armëve Kimike, që do të mbahet më datë 15 nëntor, ku do të diskutohet dhe miratohet dhe plani i shkatërrimit të këtyre armëve kimike.

Në të njëjtën kohë, ne jemi duke kryer dhe verifikimet tona lidhur me gjendjen e armëve kimike”, tha Sausan Ghosheh, përfaqësuese e misionit të UN-OPCE në Siri.

Teknologjitë e shkatërrimit të armëve kimike ndahen në dy grupe të mëdha, duke iu referuar Organizatës për Ndalimin e Armëve Kimike: teknologjitë e përdorura në temperaturë të lartë, siç është shkrumbimi, dhe në temperature të ulët, siç është hidroliza, e cila ndiqet nga procesi i eliminimit të masave të përftuara (http://ëëë.top-channel.tv/artikull.php?id=267323&ref=ml).

Askush nuk ka kërkuar nga Shqipëria zyrtarisht të vijnë armët kimike këtu, por edhe nëse ato  i caktohen detyre shtetit shqiptar në emër të NATO-s ne duhet të pranojmë sepse krahas pranimit në zbatojmë një marëveshje me NATO-n për të cilën krenohemi cdo ditë e cdo orë; por marëveshja ka dhe detyrime.

Sidoqoftë NATO dhe SHBA nuk do të na lënë pa ndihmën e pakursyr në teknologji dhe në burime njerëzore për të realizuar këtë detyrë tejet të vështirë për Shqipërinë.

Gjithmonë kam qënë kundër këtyre kukuvajkave dhe korbave të komunizmit të cilat ndjellin veç kob e zi për vëndin tonë ashtu si në të kaluarën kur thonë sot se… nëse në sjellin armët kimikë këtu atëhere më mirë të mos ishim në NATO… Këto janë shprehje tipike të disa ndjellakeqëve që fatkeqësisht i shohim përditë në mediat tona duka na çuditur me paturpësinë e tyre dhe guximin me të cilin mundohen të fshehin apo të justifikojnë të kaluarën e tyre e cila dha kontribut vetëm në zgjatjen e jetës së diktaturës, por e keqja se këta nuk po na ndahen as në ditët e sotme duke parazituar dhe dëmtuar jetët e brezit të ri, i cili duhet të shohë nga aleatët strategjikë të Shqipërisë, ti dëgjojë ata, dhe të zbatojë detyrimet krahas të drejtave që paraqet një marëveshje strategjike.

Së fundmi, përse këta skile të së kaluarës nuk përmëndin dhe ngrenë zërin për dhjetra ton armë dhe predha të depozituara në fund të detit Jon dhe Adriatik të cilat u hodhën gjatë 1997-2000 gjatë luftës civile në Shqipëri (për shkak të shëmbjes së piramidave financiare) kur u hapën depot e armëve? A nuk kanë ato predha lëndë plasëse? E kush e ka vënë ujin në zjarr nga këta pafillo nëse në këto predha në fund të detit nuk ka predha me armë kimike?

Lërini klithmat anti-amerikanë zotërinj të shpifur të komunizmit, lëreni kombin shqiptar të ecë përpara krah për krah me aleatët e saj strategjik SHBA dhe NATO. Ata nuk do të na lënë kurrë në baltë që të ndotet mjedisi shqiptar dhe të helmohet populli shqiptar ashtu si do ta dëshëronit ju thellë në ndërgjegjen tuaj të ndotur nga urrejtja dhe mllefi i dështimit të një rendi diktatorial.

SHBA dhe NATO e dini më mirë se ne se cfarë do të bëjnë.