Poezi nga Ajkune Peja

KAM FRIKË

 

Kam frikë

Se mëngjesi

Do më gjejë

Të sfilitur

Në kërkim

Të nji diçkaje

Që nuk është më

Në asnji fjalë

Askund.....

 

 

MBRËMË NË ËNDËRR

 

Mbrëm

Në ëndërr

Më erdhe

Prap

Falje sikur

Të kërkoje

Doje

Kishe harrue

Qetësinë

E natës

Me dritën

E agimit

Ëndrrën

E largove

 

Sonte

Eh, sonte

Në ëndërr

Prap të dua

Të më zgjosh

Lehtë

Me puthjet e tua

Të më mbash

Afër

Në krah

Të më mëkosh

Të betohesh

Se as në ëndërr

Të mos

Më lendosh.