Elida Buçpapaj: Mesazh një ish kryecensori

MESAZH NJË ISH KRYECENSORI

Poezi nga ELIDA BUÇPAPAJ

Këtë mesazh

po ia nis

një kryecensori

që bëri karierë brilante

si në diktaturë

dhe në tranzicion -

njëherë si kryebesniku

i diktatorit -

ndërsa

në tranzicion

si vëllami

me nanë

pa babë

i një kriptohorri

këtë mesazh

po ia nis

me emër mbiemër

një ish-kryecensori

që në tranzicion

nuk hoqi kurrë dorë

nga zanati i vjetër

një mi gjirizesh ishte -

e mi gjirizesh mbetet...