Zemra Shqiptare

https://www.zemrashqiptare.net/

Poezi nga Xhavit Gasa

| E diele, 29.09.2013, 04:23 PM |

Xhavit Gasa

NJË LIS

Në degët,

e fuqishme,

të lisit,

bredhin ketrat,

si artistë cirku,

të ëmblat këngë,

këndon bilbili,

Trup

të fuqishëm,

ka lisi,

i bën ballë,

të gjitha stuhive.

Rënjët,

e lisit,

janë të forta,

ku janë,

rrënjët e tij,

nuk shembet toka.

Lisi,

dhe kur thahet,

drutë e tij,

të fuqishëm.

e bëjnë zjarrin,

që flakëron nga gjacat!!!

NDOSHTA

Seç paskam,

një sekëlldim,

dua të shkruaj,

e fjalët më ikin.

Mbi tavolinë,

e bardhë,

mbetet letra,

fjalët shpërndahen,

......................... si era.

Të gjithë flasim,

shkruajmë lexojmë,

pa pushim.

gjoksim rrahim,

se kemi thënë,

fjalën më të mirë...

Seç paskam,

një sekëlldim,

më duket,

sikur të gjitha fjalët,

kanë marrë arratinë.

Ndoshta,

një ditë,

do ti arrijmë

MOS U ZEMRO

Ti që

dje kishe frikë

t'më flisje

dhe drejt

sytë nuk më hidhje

asnjë herë, s'të urrejta

urrejtjen s'e pranoj zemra

Sepse

atë urrejtje

as unë

as ti

nuk e donim

as unë

as ti

nuk e sollëm.....

Atë

e sollën

barbarët

që mbollën

përçarjen

urrejtjen

përbaltjen

Miku im

i mirë

të lutem

mos u zemro

nëse ndonjë herë

rebelim

në vargun tim,

............do të ketë.....

BURRI DHE GURI

Të gjithë,

lindin meshkuj,

vetëm ata,

që përballen,

me sfidat e jetës

bëhen burra,

as gurët,

e mineralit,

nuk bëhen metal,

nëse nuk shkrihen,

...............nëpër furra,

Sa të ngjashëm,

burri,

...dhe guri....

BASHKË-UDHËTARË

Që kur shkrova poezinë e parë,

asnjë herë nuk jam ndierë vetëm,

me poezinë jam bashkë-udhëtarë,

gjithmonë bashkë në çdo hap ecim.

Dhe në ato kohët e trishta,

kur ishim mollë e ndaluar,

kur na zunë pusi dhe prita,

njeri-tjetrin nuk e tradhëtuam.

Sot i thinjur si borë e bardhë,

në fytyrë më shtohen brazdat,

me poezinë jam bashkë-udhëtarë,

bashkë në të mira dhe halle.

Ju këshilloj ta doni poezinë,

të gjithë ju brezat e ardhshëm,

se është bashkë-udhëtare e mirë,

besnike që nuk ju le në baltë!!!

Powered by SNE Business 3.3
Copyright © 2005-2018 by sosovn.com. All rights reserved.