Skënder Hoxha: Porosia e gjyshit tim

SKËNDER R. HOXHA

POROSIA E GJYSHIT TIM

E kam ruajtur ëndrrën e gjyshit tim

E kam ruajtur rrëfimin

E moçëm të tij

Përcjellë nga brezi në brez:

- Në Bytyç u linda e u rrita – thoshte

Bytyças linda, u rrita e u mplaka

Me krenarinë e atyre shkrepave

Me ujin e ftohtë e freskun

E Bjeshkëve të Sylbicës.

Kujtonte lodrat plaku

E barinjtë mocanikë

Bagëtinë në kullota gjithandej…

Gjyshi kishte thënë shumë

Kishte treguar shumë –

Për vendlindjen e tij

Malësinë e Gjakovës, Bytyçin

Për Pacin, Breg Pacin,

Lagjet e lumthin që i ndan

Lagjen - Vëllazërinë Demaliaj!

Ai kishte lënë porosinë –

Mos harroni vendlindjen time

Nga e cili i ri u largova

Për punë Kanuni!...

Është aty vendlindja juaj

Në grahmë të fundit –

Kishte thënë gjyshi im

Ukë Isuf Demaliaj

I fisit Bytyç…

/15 gusht 2013, Pejë./