Ismet Azizi: Heroi Bekim Berisha në mediat kroate

Mediat kroate ngritin deri ne qiell heroin shqiptar

In memorian  dekorohet heroi misterioz që duarthatë  e nxjerrë granatën nga toka të pashpërthyer- Bekim Berisha

Nga Ismet AZIZI

Presidenti i ndjerë kroat Franjo Tugjman  thuhet se Bekim  Berishën  e përshkroi si një luftëtar i cili vlente sa  1.000 ushtarë. Ish-komandant i Përgjithshëm i Beklim Berishës,  i ndjeri  Janko Bobetko gjithashtu  kishte shprehë dhimbje të madhe  për vdekjen e tij, duke deklaruar se Berisha ishte njëri nga ushtarët më të mirë dhe më të besueshëm që kishte takuar ndonjëherë.

Për plagosjen e rëndë  në luftën Atdhetare, të mërkurën me Urdhrin e Kryqit kroat  u dekorua pas vdekjes Bekim Berishën, për shokët e tij – Shok (siq e quanin Bekim Berishën). Ai u plagos në akcionin e 16. qershorit  të viti 1992, me rastin e kryrjes së detyrave  luftarake në fushëbetejën  e Sllavonisë Lindore. Rruga e vështirë  deri te shpallja e Bekimit hero të luftës Atdhetare (Domovinskog  Rata) me  këtë dekoratë mori epilogun, ndonëse në qarqet e veteranëve  ky emër është i njohur për më shumë se njëzet vjet. Opinioni i gjerë di  pak rreth tij ose fare , por fjala është  ndoshta për përsonin intrigant dhe misterioz të luftës Atdhetare  i cili edhe pas vdekjes së tij nuk do të pushojë të jetë me interes për individë siq është   Panxhe  Orkan, interesimi i të cilit për  jetën dhe figurën e  Bekim Berisha, nuk ka të ndalur.

Ushtari  i vetëm i cili u dekorua nga tre presidentët

Bekim Berisha lindi më 16 qershor 1966 në Graboc  të  Pejës. Në Kosovë, njihet si  Abeja, ndërsa  në Kroaci e kemi  quajtur Shok (kroatisht Šok). Bekim Berishës në Kosovë iu janë ngritë 8 përmendore, Akademia Ushtarake  e Kosovës e mban emrin e tij,  një njësi ushtarake në Kosovë dhe një kazermë në Prishtinë , dhe për te janë komponuar dhe këndohen  katër këngë popullore,  ndërsa TV Prishtinës për te ka  prodhu nji film dokumentarë .  Ai është gjithashtu i vetmi person i cili është dekoruar nga tre presidentë, nga ai i Shqipërisë, Kroacisë  dhe  i  Kosovës.  Bekim berisha ishte i arsimuar dhe fliste  katër - pesë gjuhë. Kjo flet shum se për çfarë personi  bëhet fjalë, edhe pse jeta e tij është mjaft misterioze, dhe jo lehtë të zgjidhët e tërë enigma. Duke pasur parasysh se bëhet fjalë për një  madhështi dhe legjende  të llojit të vet , unë si shoku i tij ndjej nevojën për të ditur sa më shumë për njeriun që me  aq zell mbrojti  Kroacinë dhe do të bëjë gjithqka që mos ta harrojmë - tha Ivica Panxha Orkan, kolonel  në pension i ushtrisë kroate , veteran kroat i luftës, invalid i luftës dhe zëvendës komandant i Mbrojtjes  së Sunjit dhe betejës së Sunjës transmetojnë mediat kroate.

Vetë shkonte në territoret  e pushtuar dhe kryente  akcione diverzante

Berisha u shfaq në viti 1991 në Komarevë, siq  thuhet erdhi nga Belgjika dhe iu bashkua vullnetarëve të  parë në Kroaci, Batalionit  të Pavarur të 77 të Sisakut pran  Gardës Kombëtare. Bashkëluftëtarët e kujtojnë si  një 25-vjeçar modest i cili filloi si një ushtar i zakonshëm, por së shpejti doli të jetë gjithqka , por jo i zakonshëm.  I pavarur dhe më vetëiniciativë shkonte në vëzhgim  dhe kryente akcione diverzante, dhe për veprimet që kryente  nuk fliste  shumë. Banorët e Komarevës  ende e kujtojnë  se si  Shoku,( siq e quanin) nga toka me duart e tij të zhveshur gërmoi dhe nxorri  granatën  e pa pashpërthyer, dhe me një  lehtësi dhe gjakfohtësi  të paparë. Në pranverën e vitit 92, Bekim e  ndjeu thirrjen e një vendi tjetër që kërkonte  ndihmë dhe ku ishte  ndezur lufta – Bosnjë dhe Hercegovinë. Në  Posavinën  boshnjake  përsëri  dallohet në luftën kundër serbëve të Bosnjës, por udhëtimi i tij i kohës së luftës nuk  mori  fund. Shkon në  Kosovën e përfshirë nag lufta , dhe bëhet njëri prej komandantët e  pare te UÇK-. Me kalimin e kohës arrinë të bëhet general  i UÇK-së, dhe si i tillë jep jetën e vet në akcioni  heroik, kur u largua nga shokët e tij dhe krejt i vetëm  nga një shtëpi rezistoi duke goditur tenket  nga  snajperi RPG. At ditë të  29 majit të 1998 Berisha u vra në një shtëpi të cilën  tanket e shkatërruan plotësisht.

Një çantë e zezë e gjetur  zbulon të vërtetën se kush ishte Bekim Berisha

Deri në vitin 2007 nuk  është ditë  me vërtetësi  se nga dhe me çfare arsye Beklimi ka ardhë në Kroaci,   kur edhe  ndodhi mrekullia.  Në katin përdhesë të  një shtëpi të vjetër  në Komarevë e cila është adaptuar është çanta e zezë e pluhërosur e mbushur përplot me sende me vlerë , dokumente, fotografi dhe dëftesa të ndryshme . Ishte kjo çanta e Bekim Berishës. Askush ende nuk e di se kurë dhe si Bekimi e kishte fshehur këtë cantë në këtë shtëpi të ndërtuar nga druri në të cilën  nuk kishte fjetur ose të qëndruar dhe nuk dihet  pse kurrë nuk është  kthyer aty. Në çantën e zezë është gjetur kartela ndërkombtare studentore e lëshuar nga fakulteti I hotelerisë  në Rijekë 19 10 1989, mandej është gjet edhe libreza e Lidhjes Ferijaliste e Kroacisë , nga e cila shihet se ai ka jetuar në Opati. Veçanërisht  është interesante se në çantë të zezë është  gjetur bileta me të cilën  Bekim Berisha  ka udhtuar  nga Brukseli dhe   me datën  7 8 1991 ka arritë  në Zagreb, me të cilën është zgjidhë enigma e arritjes së tij në  në Kroaci.

Ndër dokumentet e gjetura është një konfirmim i Drejtorisë së policisë së Sisakut  e datës  30 8 1991 me të cilën  pastaj  vërtetohet se  shefi i atëhershëm i  policisë Xhuro Brodarac konfirmon se Bekim  Berisha  prej 10. 8. 1991 është rekrutuar  dhe se certifikata është lëshuar me qëllim të ushtrimit të së drejtës për të ardhura. I shtyrë nga kurioziteti, si dhe gatishmërinë që familja e Bekimit  të arrijë ti realizoj disa të drejta  , atëherë e kuptova se një hero  tillë në Kroaci nuk e ka  statusin e veteranëve  kroatë të luftës, familja e tij nuk mori përkujtimorën e Luftës Atdhetare në Kroaci dhe  nuk ka arritur statusin e  veteranëve  kroatë të luftës, dhe as  aksione dhe të drejta të tjera ligjore të cilat atij  padyshim i përkasin në bazë të  pjesëmarrjes  së  tij në mbrojtje të sovranitetit të Republikës së Kroacisë dhe plagosjes së tij  në luftë. Këto dokumente dhe dokumente të tjera të gjetura shërbejnë  familjes së Bekimit për të inicuar procedurën  në ambasadën kroate në Prishtinë për njohjen e statusit të luftëtarit të Kroacisë dhe për të ushtruar të gjitha të drejtat ligjore.

Ja, tani më në fund është në regjistër, dhe iu dha dekorata  e Kryqit kroat  që më bënë  jashtëzakonisht të lumtur. Disi, kjo më duket se drejtësia ka rënë në vend – përfundon Orkan.

Presidenti i ndjerë kroat Franjo Tugjman  thuhet se Bekim  Berishën  e përshkroi si një luftëtar i cili vlente sa  1.000 ushtarë. Ish-komandant i Përgjithshëm i Beklim Berishës,  i ndjeri  Janko Bobetko gjithashtu  kishte shprehë dhimbje të madhe  për vdekjen e tij, duke deklaruar se Berisha ishte njëri nga ushtarët më të mirë dhe më të besueshëm që kishte  takuar ndonjëherë.