Demir Krasniqi: Buka e Gollakut

Demir KRASNIQI :

 

BUKA E GOLLAKUT

 

Më ka rritur nëna

Në djepin me kashtë ,

Ajo më ka mësua

Vendin tim me e dashtë !

 

Më ka rritur  nëna

Me qumësht  të  kajmakut  ,

Prandaj këngët e mia

Ia këndova Gollakut !

 

Më ka rritur  nëna

Me bukë t’ kallamboqtës ,

Prandaj këngët e mia

Ia këndova Kosovës !

 

Më ka rritur nëna

Me ujë të Malësisë  ,

Prandaj këngët e mia

Ia këndova Shqipërisë !

 

Më ka rritur  nëna

Me  fllad të lendinës ,

Prandaj këngët e mia

Ia këndova Prishtinës !

 

Më ka rritur  nëna

N’ djep të trapazanit   ,

Prandaj këngët e mia

Ia këndova Gjilanit !

 

Më ka rritur nëna

Me  djersën  e trupit  ,

Prandaj këngët e mia

Ia këndova Shkupit !

 

Më ka rritur nëna

Në djepin e sanës ,

Prandaj këngët e mia

Ia këndova Tiranës !