Rrustem Geci: Elegji për Shpresa Gecin

Rrustem Geci

LOTËT E SHPIRTIT

Elegji për Shpresa Gecin

Zemër e lules,  zemër  e  jetës

vdekjes  të  gjithë  i  përkasim

në  çdo  çast   ecim   drejt  saj

vdekja  i  zgjedhka   të   vetët

Zemër e lules, zemër  e  jetës

i ftohti  saj  të bukurën e than

vdekjes të  gjithë  i  përkasim

mbretër,  të  pasur, shenjtorë

Vdekja vritka më të dashurën

gjeniut të saj si dilet  përpara

po jeta  qenka udhë e pafund

vdekja lotin  e paska të rëndë

Shpirt  i  më  të   përzemërtes

vdekjes të  gjithë  i  përkasim

Shpresa, ti na le  të  pikëlluar

e mua më le  të  qaj me shiun