Skënder Hoxha: Haiku i pranverës

SKËNDER R. HOXHA

HAIKU I PRANVERËS

Në gjelbërimin pranveror

Qielli blu deri n’horizont

Mbulon vendlindjen time

Lëkundet moti në pranverë

Herë me diell e herë me shi

Vetëton e murmuron

Shiu lëvaret prajshëm

Si vargoj rruazesh kristali

Mbi tokën e blertë

Një erë e lehtë fryn

Mua më zgjon kujtime

Nuk i tremb zogjtë

Fluturat dhe bletët

Bredhin nëpër lule

Shtojnë hijeshinë e stinës

Kah kanë mbetur lejlekët

Që vinin me pranverën

bashkë me shtegtarët tjerë

Në prozhme, livadhe e kodrina

Qengjat kërcejnë lazdrueshëm

Përreth nënave të tyre.

Bujqit nëpër ara

Bëjnë punët pranverore

Për bukën e re.