Demir Krasniqi: Vrasja e Hasan Prishtinës

Demir KRASNIQI:

VRASJA E HASAN PRISHTINËS

Mbarë Kosova pyet Athinën –

Kush na e vrau  Hasan Prishtinën ?!

Kush na e vrau atë atdhetar –

Kryeministrin tonë shqiptar ?!

Kryeministrin e Shqipërisë –

E vrau  dora e tradhtisë !

Ibrahim Çelo nga Manastiri ,

Kriminel , ai qen qafiri !

13 gusht , tridhjetë e tre –

Selaniku u mbulua n’ re !

Jo nga rrëfeja , as bubullima ,

Sot na u vra Hasan Prishtina !

N’ pabesi  vranë atdhetarin ,

Politikanin , bir shqiptarin ,

N’ Çimisqi të  Vogaxhikut ,

Mu në  shesh  të Selanikut !

Ishte ora 2 mbas dite –

Dolën së bashku në  shëtitje !

Ibrahimi , ai i pa shpirt –

Kishte n’ shokë revolen “SMITH”!

Si rrufe nxor revolverin –

Mbi Hasanin  e  bëri  tmerrin !

Bëri  krim e bëri tmerr –

Mbi Hasanin shtiu pesë herë !

Turrej vrasësi , ai mizor –

T’ zbrazte  plumba  mbi  kraharor !

Me plumb t’ tretë e godet n’ kokë

Dhe Hasani u shtri për tokë !