Selim Nëngurra: Dardania sundohet, nuk qeveriset!

DARDANIA SUNDOHET, NUK QEVERISET!

-Ose: -PO JU DALIN RRENAT PËR-FUSHË-

Nga Selim M. Nëngurra

-… mesuesit turq marrin paga të dyfishta sepse marrin edhe nga Ministria e Arsimit e komunës së Prizrenit. Tekstet shkollore dhe universitare të historisë duhet të kontrollohen nga komisione të veçanta ekspertesh turq që do i dergojë Rexhep Tapi Erdogan-i nga Ankara. Aeroportin ADEM JASHARI në Sllatinë e bleu turku. Tash doli se edhe Kompleksin Memorial të Jasharajve e paska financue nji turk dhe nuk di çka asht shqiptare këtu në këte dhe’ të shkretë!?-

Thotë nji fjalë e popullit; ... edhe budalla ja qellon kajherë. Gazetari i RTK-së Milaim Zeka nga nji herë flet dhe qet per fushë shumë gjana e msheftësi.

Tashma dihet se Milaimi në programin e vetë që e quejti PA RROTULLA jo vetem se sjell musafir të çuditshëm, por ai shpesh edhe vetë ban komente të çuditshme. Nji koment të tillë e bani sot në reprizen e programit PA RROTULLA ku kishte musafir z. Mehmet Prishtina perfaqësues i trungut familjar të Hasan Prishtinës. Derisa z. Prishtina fliste se si në komunën e Çairit në Shkup me perkrahjen e Kryetarit të komunës Çair kishte vendos shtatoren e Hasan Prishtinës, Milaimi e nderpret dhe i ban pyetjen; -a ju ka ndihmue Kryetari i Çairit, dhe sa ju ka ndihmue?

-Jo ndihmë tjeter pos trollit per ta vendos shtatoren nuk patem, ama edhe kjo ishte e mjeftueshme, - pergjigjet z. M. Prishtina. -Kjo nuk asht ndihmë ja dredh Milaimi, komunat tona po japin troje per matrapazet me zhvillue bizniset e tyne. Unë mendova ndihmë materiale sa ju ndihmojë? Duket se njerzit e politikës vetem sa po lavdohen se po bajnë vepra të mëdhaja per kulturen dhe historinë tonë a në realitet asht tjeter kush që i ban ato. Shpresojë mos ta ket marr lavdin mbi veti Kryetari i Çairit e të thotë se ai ka ndertue shtatoren e Hasan Prishtinës ashtu sikur thonë qeveritarët tanë per Kompleksin Memorial të Jasharajve në Prekaz. A në realitet paratë per atë kompleks i ka dhanë nji turk. Po, po nji turk ka dhan 1 milion euro per ta ndertue Kompleksin Memorial të Jasharajve në Prekaz, - tha gazetari Milaim Zeka!!!

Ky pra ishte dialogu i gazetarit Milaim Zeka dhe i musafirit të ti Mehmet Prishtina në programin PA RROTULLA, reprizë diten e sotshme ora 11.30 minuta.

Tashma kan kalue disa kohë që në gazeta, në lajmet në RTK dhe TV-të e tjera të Dardanisë asht folë se qeveria ka nda 5 milion euro per ta ndertue Kompleksin Memorial të Jasharajve në Prekaz. Veren e vitit 2012 isha per të saten herë per vizitë dhe homazhe në Prekaz të varrezat e deshmorve Jasharaj dhe pash se si asht ndertue ai Kompleks Memorial aq shumë i perfolun. Isha në shoqni me nji mikeshë nga Shkupi, profesoresh me nam në Universitetin e Tetovës dhe me dy miq të tjerë vendas të mi istogas. Kur pash ato ndertime aty mu kujtue shuma e 5 milion eurove që qeveria ka thanë se i ka nda per ta ndertue. Me gjithë respektin per Viktimat, per Herojtë dhe Dëshmoret e ramë , unë aty per aty ndjeva nji dhimbje në zemer që vinte nga mllefi i asaj që më pan syt. Gjithçka ishte ndertue aty ishte mirë, ama ta vrasin synin kulmet e shtëpive në anan e djathtë të rrugës Skenderaj-Prekaz të cilat edhe sot e kësaj dite pas 12 viteve janë ashtu të shkatrrueme deshmi e barbarisë serbe e cila i shkatrroj ato ( padyshim ) per faktin se ishin në afërsi të Familjes së Adem Jasharit. Nuk ishin të braktisuna ato shtëpi per të mendue unë tash se banoret jetojnë diku tjeter dhe ndoshta kan jetë normale. Jo aty para dyerve të tyne pash disa femijë që luenin, pash edhe nji grue plakë ulun në nji guri para dyerve të oborrit. Më shkoj mendja dhe thash: ...mjer ti moj Loke që nuk e ke pas djalin Komandant të UÇK-së, por e ke pas shqiptarë të thjeshtë që ta vrau shkau në trollin e vetë, ndoshta edhe para syve të tu. Shkrumi në buzët e lokës plakë dallohej nga larg dhe nuk ishte ai shkrum pasojë e vapës shkretinore që ishte në Dardani ato ditë vere. Ishte shkrumb i dal nga thellësit e shpirtit të loke-shkretës.

Pra ky kontrast asht deshmi e padrejtësisë njerzore, e nençmimit dhe injorimit banal ndaj të tjerve që ndoshta nuk paten fatin ta ken dike në pushtet sot per ta pas jo vetem kulmin mbi krye, por edhe per të pas pallate, Kulla e Kështjella sikur kan ba gjithandej Dardanisë "KOMANDANTET " e UÇK-së thue se jan këta Azem Bejta dhe don me ba Kulla per tu fortifikue në to. Kjo vrazhdësi dalluese mes dy lagjeve në të njejtin fshat më pat ba të mos ndihem mirë per të paren here gjatë homazheve të mija të pervitshme që i baj të viktimat e Jasharajve në varrezat e Prekazit. Mu kujtue shuma që asht folë per ndertimin e Memorialit dhe pash se ajo shumë as per afërsishtë nuk asht perdor aty. Erdha në perfundim ashtu me nji llogari të thjeshtë, se tan ajo punë që asht ba dhe ai material që asht vendosa aty kurr nuk ka mujt me kushtue ma shumë se 500.000 - 800.000 euro. Ka shkue edhe kjo punë me tender mendova dhe normal se diku 3 - 4 milion euro i ka hanger terri apo thanë ma shul-shqip i kanë zhvatë ish "Komandantet e UÇK-së."

Mirpo tan at dyshim timin që kisha që nga fillim gushti 2012 ma hoqi gazetari Milaim Zeka kur sot publikisht e tha se -ai Kompleks Memorial asht ndertue me paratë e nji biznismeni turk. I ka dhanë 1 milion euro turku per me ndertue at Kompleks, - tha z. Zeka.

Per Zotin unë qesha sa mujta sot dhe qesha me rrenat e pushtetarve tanë, rrena këto që e manipulojnë popullin gjithmonë, por qesha edhe me "GUXIMIN " e gazetarit Milaim Zeka se si jau qiti per fushe rrenat e tyne.

Ama të qeshunen ma ndali mendimi te turku donator, te Turqia shtet. Ma ndali buzqeshjen dhe ma ngriu shpirtin sepse per ditë e ma shumë shof se si Dardania po bahet e turqve dhe serbve, besa edhe e minorenve të tjerë e shumë pak e shqiptarve. Turqia në Prizren paguen pagat mujore mesuesve turq në shkollat e Prizrenit. Pra mesuesit turq marrin paga të dyfishta sepse marrin edhe nga Ministria e Arsimit e komunës së Prizrenit. Tekstet shkollore dhe universitare të historisë duhet të kontrollohen nga komisione të veçanta ekspertesh turq që do i dergojë Rexhep Tapi Erdogan-i nga Ankara. Aeroportin ADEM JASHARI në Sllatinë e bleu turku. Tash doli se edhe Kompleksin Memorial të Jasharajve e paska financue nji turk dhe nuk di çka asht shqiptare këtu në këte dhe’ të shkretë!?

Qytetaret serb në Dardani poashtu marrin paga të dyfishta, nji nga institucionet e Dardansë dhe nji nga ato të Serbisë.

Hashim Thaçi krekoset per rezultatet e tija të shumta, dhe unë pajtohem se ai ka shumë rezultate, ama asnji nuk asht rezultat pozitiv, i gëzueshem, i mirpritun, të gjitha janë fiasko, jan mjerim janë fatkeqësia e Dardanisë. Shkon burri i botës në Bruksel dhe bisedon me shefin e qeverisë serbe Ivica Daciq, dhe mirren vesh per shuemjen e strukturave paralele serbe në Veri të Mitrovicës struktura këto çetnike e anti-shqiptare si dhe per krijimin e asociacionit të komunave serbe në Dardani. Rrejti Thaçi pasi u kthye nga Brukseli kur tha se do bahet asociacion i komunave veriore me popullatë serbe shumicë, dhe rrenen ja qiti per fushe këshilltari i Kryetares Jahjaga z. Ramush Tahiri kur mbramë në lajmet qendrore të RTK-së si musafir tha se ky asociacion do jetë i formuem nga të gjitha pilot komunat serbe të Dardanisë , pra nga 10 komuna të tilla dhe se në Dardani do ket dy asociacione të komunave, nji ai i komunave të Dardanisë dhe dy ai i komunave serbe në teritorin e Dardanisë. Pas kësaj deklarate të z. Ramush Tahiri sot Hashim Thaçi deklaroj se ai asociacion do jet organizim joqeveritar dhe nuk asht aspak me randësi as si faktor as rroli i saj. Personalisht po pres që dikush nga njerzit e ti si z. Zeka e z. Tahiri ta baj publike edhe faktin se ato asociacione edhe do kenë donator e mbeshtetje të ndryshme. Ky i komunave të Dardanisë do perkrahet nga shteti Dardani e asociacioni i komunave serbe në trollin e Dardanisë do finacohet, dhe do dirigjohet nga pushteti i Beogradit.

Padyshim se do dali dikush që do ja qet edhe këtë rrenë per fushe kreyqeveritarit të mjerë , injorant të Dardanisë. Pra do ja qet per fushe faktin se krijimi i këtij asociacioni asht viza , asht leja që pushteti i Beogradit të kontrolloj pakicen serbe në Dardani. Mjerani Hashim Thaçi kot mundohet ta mshef këtë fakt tragjik per Dardaninë dhe per popullin e saj shqiptarë.

Nuk pati asnji here guximin as burrninë ky far shefi i Shtabit të UÇK-së dikur e kryeqeveritar sot që tu thotë miqve nderkombtarë; juve miq që kerkoni të ketë parti të pastra etnike të serbve, turqve, boshnjakve dhe të tjerve në Dardani a nuk më thoni a kanë minoritaret në shtetet e juaja parti politke nacionale apo etnike? Nese i keni lejue ju do i lejojmë dhe neve në Dardani. Asnjiherë nuk e pati guximin as burrninë të i pyesi miqet tanë nderkombtarë se a kan minoritaret vende të rezervueme në Parlamentet e tyne ashtu sikur kanë serbet ( 20 ulse ) në Parlamentin e Dardanisë?

Nuk e pati guximin as burrninë tu thotë miqve nderkombtarë; a i mbuloni juve muralet e Parlamentit tuej per hatrin e minoritarve që ata mos të frigohen ashtu sikur pat veprue Administratori Hans Hakerup kur urdhnojë mbulimin e muraleve me motive të historisë dardane e asaj kombtare që Kryeparlamentari Nexhat Daci me shumë shije e kujdes i pat vendos në muret e Parlamentit.

Do thotë ndonji militant i PDK-së -pse nuk jua ka thanë Daci miqve nderkombëtar këte? Unë pergjigjem që tani se Akademik Nexhat Daci publikisht i pat thanë Hakerupit ; -juve e keni ardh me na ndihmue apo me na robnue e sundue?! Kjo zaten edhe i pat kushtue me largimin me thikë mbas shpine nga posti i Kryeparlamentarit. Dhe largimit të Dacit ju paten gëzue këta ish " LUFTETARET " sherbtor të dreqit e të SHIK-ut.

Dardania sundohet nuk qeveriset , ajo asht okupue, nuk asht e lirë. Dardania me këta sundimtar asht buz shkatrimit total.

Zoti e shpetoftë Dardaninë nga këta matrapaz rrenca, kriminelë e mafiozë antikombtarë.