Xhevahir Cirongu: Në diskun e art të kujtimeve

Skica: Xhevahir Cirongu

Në diskun e art të kujtimeve!...

‘’Vitet hapen si mëndafsh në hapsirën  kozmike të jetë; e bashkë me ato, kujtimet rrinë të freskta në skutat e padukshme të shpirtit.Kur  rizgjohen, nga prushi i zemrës  gurgullojnë  fjalët  te goja,e në sy lexohet  qartë  pavdeksija e tyre!’’

( …Fraza është formuluar nga vetë autori , Xh.Cirongu)

...Një kafe në Durrës!....Pastaj në‘’Diskun e art’’ të kujtimeve…!

-‘’Si je i dashur  mik, Xhevahir? Lexova librin tuaj  ‘’Mall nga Oqeani’’dhe u befasova .Të falnderoj për arritjet , jo vetëm si publicist, por edhe  në fushën e krijmtarisë letrare si poet e shkrimtar !’’ Këto  pak rreshta  m’i shkroi  në facebook  shoku im Partizan Myftari që jeton e punon në Romë. Edhe unë e falnderove përzemërsisht shokun e letrave,ndonse kishim  vite pa u parë e komunikuar me njëri-tjetrin. Por ,pas 22 vitesh vjen  një ditë e takohesh me njerëzit që janë ruajtur në memorjen tënde dhe‘’Disku i  art’’ i kujtimeve  kthehet mbrapsht dhe bisedon me kohën e shkuar. -Sa bukur,-thash me veten! Miqësia e vërtet nuk harrohet aq lehtë.Pastaj,nuk thonë kot,se  buka e vjetër  sa më shumë vite të shkojnë,aq më e ëmbël bëhet!Pikërisht te kjo thënje e mençur frazologjike e gëdhendur e popullit tonë, në ditët e fundvitit të 2012-ës më  takoi edhe mua me shokun e mikun tim të letrave Partizan Myftarin.

Ishte data 20 dhjetor kur Xani më njofton se do nisej nga Roma për në Shqipëri.Në facebook  atë natë të mbrëmjes  së dhjetorit,folëm shumë shkurt.Dhe ja, si më shkroi  ai:’’-Xhevo! Po bëhem gati për rrugë. Më ka marrë malli për atdheun, për  shokët,miqtë e vërtet,për vendlindjen time Vërzhezha atje në Skrapar!’’- Mirë se të vini,i dashur Mik!Të presim!?  -Unë do vi me makinë se me vete do marr edhe vajzën!Do udhëtojmë pastaj me traget nga Bari drejt Durrësit.Në orën tetë të mëngjesit të datës 23 arrijmë aty.A do takohemi!? -Si jo,more ‘’Mik’’i Romës,-ja ktheva unë përgjijen me humor,por me një mall e gëzim të veçantë,sepse kjo ishte për mua një ftesë e papritur nga një shokë i vjetër  që kishte një strehëz të veçantë në memorjen time.Edhe tek Partizani,unë  kishja bërë folenë brenda zemrës së tij.Ne ruanim respektin e viteve të rinisë kur shkruanim në gazetën lokale të rrethit Skrapar.Ishim  korospodentë më të rinjë të asaj gazete.  Dita e 23 dhjetorit ora 11-të,u takuam në Plepa të Durrësit.U përqafuam fortë,shikonim njëri-tjetrin në sy,u puthëm dhe lotët e mallit derdheshin nëpër faqe sikur të ishim fëmijë!     -Po vajza ku është?!,- pyeta unë.–Eshtë brenda në makinë,-më tha ashtu shpejtë e shpejtë. Unë hodha sytë drejt xhamave dhe aty pashë vajzën që po na vështronte si një flutur që rri sipër gonxhes së një lule. Edhe ajo zbriti nga makina.Sikur të ishim njohur në vite,m’u hodh në qafë e më puthi.Edhe unë e putha si mbesën time.Pastaj,duke i përqafuar të dy’’Miqtë’’nga Roma,shkuam në lokal e pimë kafe. Një takim i papritur pas kaq vitesh  që na ndezi  kujtimet tona.

–Ky është shoku im,por edhe xhaxhi  poeti që ka shkruar poezinë për ty,Erta!Me poetin keni një datlindje…! Ertës iu mbushën sytë me lot nga gëzimi! Partizani  recitoi disa rreshta  nga poezia,kurse vajza  e vogël si një engjëll  më falnderoi ,e kujtimet morën udhën nëpër  shtigjet e kujtesës së viteve.Asaj vajze engjëllore i dhurova edhe një libër me tregime.  Edhe unë i urova udhë të mbarë,e gëzuar 2013 për gjithë shqiptarët kudo që jetojnë e punojnë nëpër botë!

Piktori i portave të gurta….!?

Sipër kokës puhiza e  bardhë si bora thinjat i janë vendosur si gurët e bardhë të malit Tomorr e të  alpeve atje në veri të Shqipërisë.Edhe fjalët , piktori  i talentuar Nuri Jaupi nuk di t’i lëshojë ashtu si në erën  me acar,por  ai matat me mendimin  duke e  kërkuar atë ngado, dhe më s’fundi,me delikates  fjalën e derdh nga goja  sa të ëmbël, aq edhe të ngrohtë si flakë zjarri. Ai ka një jetë të tërë që udhëton me penel në dorë,e s’bashku me bojrat e vajit,pikturon bukuritë e natyrës sonë . Larmija e pikturave të piktorit Nuri Jaupi  kanë dimesione të ndryshme,por  dinamika dhe pëmbajtja e tyre rrokin hapësira në vetvete me ngjyrime të ngrohta e mesazhe të qarta. Sa po shkon në galerinë e punës  që ndodhet në lagjen  13 të ‘’Plazhit’’ në Durrës,vizitori befasohet kur  ballafaqohet me punimet e këtij piktori të talentuar e kërkues ndaj  së bukurës. Teksa vështron me kujdes peizazhet e pikturave,të bie në sy e të tërheq si magnet fragmentet e pikturuara nga natyra e bukur  Shqiptare.Tema e natyrës së vendlindjes për piktorin  Nuri ,ka një dallim të vaçantë , sepse ngjyrat janë  të ndezura dhe i burojnë nga shpirti.Ai është dashuruar më parë me natyrë,pastaj me portretat e njerëzve që di t’i derdhi aq bukur në telajo.                           Këto ai i ka pasqyruar në pikturat nga Kanionet e lumit Osum e të Valbonës  në veri të atdheut.Nuri Jaupi e ka konfirmuar veten si një piktor universal e gjithëpërfshirës.    E themi këtë se në fondin e pikturave gjen edhe piktura me peizazhe nga Spanja,Luksenburg,Slloveni, Kroaci etj. Punimet e piktorit shtrihen në gjithë hapësirën mbarëshqiptare. Aty do të gjeshë pamje nga Shkodra, Tropoja,Kosova, Kërçova, Ulqini,, Berati,Vlora, Gjirokastra etj. Përveç  peizazhit,portretit,piktori Nuri Jaupi di të përshkruajë bukur edhe figurat historike e atdhetare,folklorike,turistike e arkeologjike. Ai me talentin si piktor na shkruan si një shkrimtar me njyrat historinë dhe kulturën tonë kombëtare në edukimin e brezave.Kështu,ekspozitën e fundit që për të është e 19-ta,e hapi në burgun e Durrësit për të burgosurit.Kjo është një e veçantë në punën e këtij piktori  që kërkon të përcjelli me anën e pikturës e të  ngjyrave dashuri e ngrohtësi edhe tek njerëzit  e dënuar nga ligji. –Piktura është pjesë e jetës sime,-na thotë me buzëqeshje plotë kolor ngjyrash  në bisedë e sipër Nuri Jaupi . Ai është duke përgatitur ekspozitën e 20-të,që në fillimet e pranverës do e çeli në qytetin bregdetar të Durrësit.Largohesh nga  universi i pikturave të këtij piktori për t’u rikthyer aty përsëri për të prekur  të bukurën e shpirtit nëpërmjet ngjyrave.  Vetë piktori  e lë të hapur portën e gurtë të peizazhit natyror aty në telajo për prurje të reja  në ekspozitat e ardhshme.