Albert Shabanaj: Paqja e armatosur e Kosovës!

PAQJA E ARMATOSUR E KOSOVËS!

Nga Albert Shabanaj

Njohurit e fundit rreth situatës ne Kosove dëshmojnë per mos suksesin ne zbatimin e dispozitave ushtarake te Marrëveshjes se Kumanovës. Mjerisht,kjo marrëveshje nuk është duke ecur ne drejtim te mbarësisë se Kosovës; marrëveshja ne fjalë vetëm përkohësisht ka ndaluar luftën dhe aktualisht nuk paraqet gjë tjetër pos fazës kalimtare drejt rrugës se copëtimit përfundimtar te Kosovës. Ky vlerësim imi ka mbështetjen e zhvillimeve politike e shoqërorë dhe ne ngecjen e zbatimeve te aspekteve te shumta politike dhe civile qe dalin prej marrëveshjes ne fjalë,siç është dëbimi i pa kusht i Serbisë nga territori i Kosovës,lirimi i te rrëmbyerve nga forcat serbe,kthimi i te pa gjeturve,kthimi i aseteve bankare,regjistrat kadastrale,si dhe arrestimi i krimineleve te luftës te cilët tash janë kriminel te organizuar ne veri te  Kosovës etj.

Sa janë bindjet e mia te qëndrueshëme?

Meçe përgjigjet janë te shumta do te përpiqem t'i theksoj disa te rëndësishme dhe ne forma te shkurta. Është shumë me tepër se një dekadë nga zbarkimi i NATO-s ne Kosovë,janë po aq kohë te humbura te shërbimeve administrative ndërkombëtare dhe ne rastin me te keq ka qen kohë e mjaftueshme qe aspektet e marrëveshjeve te arritura te jetësoheshin,kuptohet nëse kompetentet (Ndërkombëtaret) do te tregonin gatishmëri te tilla meçe ata ishin te ftuar për te zbatuar te gjitha marrëveshjet dhe te gjitha obligimet qe dilnin për Kosovën. Këtu edhe sot vërehet se vetëm Qeveria Amerikane ka mbetur pranë proceseve premtuese politike ne veçanti si dhe Kosovës ne përgjithësi.

Megjithatë,dëshpëruese janë veprimet e disa vendeve Evropiane te cilat edhe ato ishin pjesëmarrëse ne çlirimin e Kosovës dhe nënshkruese te gjitha marrëveshjeve duke përfshi edhe atë te Kumanovës,e cila detyron shporrjen e Serbisë nga i gjithë territori i Kosovës.

Dhe duhet theksuar se i vetmi sukses i deritanishëm është aspekti i fushatës ushtarake te NATO-s e cila ishte kompetencë e SHBA-ve për te detyruar Serbinë te fut bishtin nder këmbë e te shporrej nga Kosova,ky sukses është zbatuar ne mënyrë perfektë,madje pa asnjë viktime ne radhët e forcave te NATO-s.

Megjithatë,nuk është zbatuar ne tërësi e aq me pak me korrektësi meçe dikush nga ato forca (NATO) ka "abortuar" për ta rikthyer Serbinë ne Kosovë!

Një gabim ky i cili edhe sot e kësaj dite ka paralizuar te gjitha proceset politike dhe zhvillimet shoqërorë te synuara.

Ndonëse, Mitrovica sot nuk është e bashkuar dhe nuk është nen kontrollin e qeveris se Prishtinës. Ka me shume apo me pak se një vit kur filluan negociata mes Prishtinës dhe Beogradit,askush dhe madje as vet negociatorët ne Bruksel,nuk besonin se janë negociata thjesht teknike te cilat na dolën se ishin politike dhe vazhdojnë si te tilla. Këto negociata do te kenë karakter maratonik dhe te gjithë ata te cilët dëshirojnë realisht t'i shohin zhvillimet e deri tanishme dhe aktuale del ne pah se, Kosova dot pësoj keq bile edhe shumë me keq se sa ne mendojmë.

Mjerisht,me këto negociata do te prodhohen shume efekte ogurzeza për fatet dhe vendin tonë  dhe njëra nga ato është se do te krijohen shtigje tjera shkatërruese te cilat ngërthejnë mundësi teknike dhe politike qe kur do te ndodh largimi i Trupave te NATO-s,Kosova do te ballafaqohet me shume rreziqe Kombëtare. Këto rreziqe nuk është vështir t'i shohim,unë dot doja t'i theksoj disa nga ato:

-Sipas mendimit tim e para dhe me e mundshme do te jetë Lufta e serishme nga shumë argumente qe ekzistojnë ne teren por edhe nga argumentet shtesë te cilat do te prodhohen gjate bisedimeve me Serbinë dhe Brukselin.

Ne te gjithë po shohim se rrëshqitjet dhe kurdisjet politike me ane te shantazheve te BE-se dhe Beogradit kanë si synim Bosnizimin e Kosovës me marrëveshje te vjetra e te reja,te cilat dot prodhojnë biqeverisje (dy qeverisje)te cilat gjithmonë si kamuflim apo për konsumim te brendshëm do te quhen - qeverisje unike,e cila ne fakt do te degradoj skajshëm qeverisjen qendrore te Prishtine,një skenar ky i ngjashëm me atë te Sarajevës dhe si e tillë do te jetë gjithmonë e kërcënuar,rrezikuar,shantazhuar dhe anashkaluar nga minoriteti serb dhe Serbia...

- Dhe... Si rezultat i fakteve te krijuara ne teren bisedimet ne mes te Prishtinës dhe Beogradit do te vazhdojnë-rihapen për te arritur deri ke një " Paqe te armatosur ", e cila sipas gjitha gjasave do te prodhon vija kufitare ndërmjet entiteteve shqiptare e serbe dhe ato vija te krijuara nga bisedimet do te shpërthejnë me vija copëtimi te përhershëm te Kosovës. Këto taktika serbe janë mirë dhe ne detaje te menduara deri ke paralizimi i qeveris qendrore te Prishtinës, thënë shkurt deri ke bosnizimi i Kosovës.

-Sidoqoftë, gjasat e rifillimit te luftës për momentin duken te jenë te vogla, nga se akoma kemi prezencën e NATO-s, dhe sa u përket këtyre mundësive te me larte theksuara - Kosovës unike apo copëtimi sajë, epilogu është ënde i paqartë dhe përfundimisht do te varet nga politikat e shqiptarëve por edhe nga politikat e jashtme pikërisht te SHBA-ve dhe BE-se.

Ndonëse, kur është fjala për copëtimin e Kosovës, fatkeqësisht kemi zëra te kobshëm edhe ne skenën aktuale politike te Kosovës,te cilët mendojnë se copëtimi i Kosovës është variant me i mire se rifillimi i luftës,kjo një adoleshencë politike,është qyqare dhe pa cipë.

- Sipas mendimit time, copëtimi i Kosovës do te ndodhë nëse vazhdohet tutje me mos  unifikim te forcave te shëndosha politike dhe nëse vazhdohet si deri me tani te nëpërkëmbet e poshtërohet Kosova nga bandat politike nga te cilat vërtetë do te copëtohemi keq!

Do te ndodhë nëse qytetaret nuk vetëdijesohen dhe vazhdojnë si deri me tani te i shohin zhvillimet politike ne vendin e tyre si përtej bregut apo si çështje ndërkombëtare.

-Ndonëse,edhe pse një epilog i këtillë do te ishte kërcënim për stabilitetin ne Evropën juglindore,qe do te kërcënonte Shqipërinë,Maqedoninë,Greqinë,Bullgarin dhe me gjer ..

Dhe duke i pasur parasysh te gjitha këto zhvillime te mundshme te përmasave te një lufte te gjer e te gjatë ne Evropë,është i pa besueshëm fakti qe disa zyrtar te rëndësishëm evropian po përgatisin terrenin për copëtimin e Kosovës,për gjate disa viteve te ardhshme-pasi qe te largohet NATO.

- Edhe një here e ritheksoj se,copëtimi nuk është i pashmangshëm,nëse arrihen marrëveshje unifikuse ne mes forcave te ndritshme kombëtare,nga te cilat do te kërkohej urgjentisht përpilimi i një programi kombëtar dhe gjithë përfshirës për t'u ruajtur tërësia territoriale e Kosovës si dhe prosperitetet sociale e ekonomike ne shoqërorin e Kosovës. Kjo do te ishte edhe një shtytje për bashkësinë Evropiane për te ndërruar kursin e saj politik,për t'i pruar freski dioptrive politike te saj për balle fakteve te shëndetshme ne teren,e jo si deri me tani fakte te cilat kane folur vetëm për poshtërimin e Kosovës,vetëm për krime e krime...

Unë besoj fuqishëm se,nëse arrihet një qeverisje e mirëfilltë kombëtare ne Kosove,do te shpëtojmë nga copëtimi i sajë qe ngërthen rinisjen e luftës ne njërën ane dhe anës tjetër do t'i detyrojmë suspektrin politike ndërkombëtare te ndërrojnë qëndrimet e tyre,do te obligohen moralisht për t'i eliminuar forcat destruktive te Serbisë,sidomos te atyre krimineleve te luftës te cilët e kontrollojnë veriun e vendit tone.

-Eliminimi i forcave kriminale dhe zhbërja tyre nga veriu te cilët janë drejt për drejt te inkriminuar ne krime lufte e tani ne krime bandash,veprim ky i domosdoshëm dhe gjithsesi do te ndodhe nëse ne punojmë për te mirën e vendit tone. Do te ndodhe si  imperativ i kohës te një marrëveshje ne mes forcave relevante ndërkombëtare,për eliminimin dhe mos faktorizimin e tyre,me mos lejimin e pjesëmarrjeve te atyre bandave ne zgjedhjet e ardhshme kur do qe mbahen ne veri te Kosovës. Detyrimisht për t'i ballafaquar me kërkesa te drejta para Gjykatës se krimeve te luftës ne Hagë,sepse me ata kriminel te shumte e te lirshëm,nuk munden te fillojnë punët e mbara ne atë pjesë te Kosovës,pos obstruksionit te përgjithshëm e te përhershëm.

-Këtu vlen te theksohet se,për këto zhvillime te domosdoshme ne veriun e vendit tone duhet te koordinohen me Administratën e SHBA-ve sepse vetëm ata tregohen te përkushtuar edhe sot sikurse dje te cilët aranzhuan largimin e Serbisë terroriste nga Kosova dhe zbatimin e suksesshëm te aspektit ushtarak por ne aspektet e me vonshme politik Evropa ka dështuar krejtësisht.

Edhe tani SHBA-te po dërgojnë mesazhe te qarta për ruajtjen e Kosovës,se fundi nga sekretarja shtetërorë Clinton, dhe kolege te tyre te cilët shprehen këmbëngulës ne ruajtjen e tërësisë se Kosovës.

Megjithatë,nuk e di a mjafton vetëm kaq? Sepse ne këto përpjekje te SHBA-ve ju nevojitet përkrahja e aleateve evropian,nga te cilët vërehet një gatishmëri për koncesioneve ndaj Serbisë...

Sipas mendimit time, nëse dëshirohet qe vërtetë Kosova te mbijetoj dhe mos te abortoj edhe pas largimit te NATO-s kërkohet urgjentisht qe Evropa,te ndaloj politiken e saj te deritanishme te dy e me shume fytyrësive dhe te ndaloj izolimin dhe komprometimin e Kosovës..

ZOTI NA BEKOFTË!