Albana M. Lifschin: Udhëtim poetik

UDHËTIM POETIK

Nga: Albana M. Lifschin

Cikël me poezi

Ulu pranë meje

Ulu pranë meje,
të presim bashkë edhe një herë
ardhjen e mengjesit, si ateherë
Bashke te presim hapjen e qiellit
te ndajme bashkë ardhjen e Diellit,
të mos flasim, të mos bëjme zë,
kujtimeve të tretemi, se s'do shihemi më!

(1999-nga libri im i parë poetik)
          ------------

MOMENT MAGJIK

Sa kohë vallë kaloi nga ajo mbrëmje,
kur mbi duart e mia buzët vure ti,
magjinë e dashurisë ndjeva unë,
si kisha bërë pa të… s'e di.

Trazuar, hutuar, përkulem sot
mbi copëza shënimesh kërkoj për të,
drithërim i ardhur nga një tjetër mot,
prapa më merr, pa gjumë më lë.

(nga libri “Dje preva floket", shqip/anglisht,1999)
----------------
 
Ike ti

Ike ti
dhe diçka u këput
brenda meje...
Buzëqeshja ime
u  fik
dhe dielli u fsheh
pas një reje.
---------
Betimi Amerikan

Ne solemnitet
atë mëngjes u betova
besnike t'i qëndroj
flamurit me 50 yje të bardhë.
Unë, më e reja amerikane e botës

Ate mbrëmje vura te degjoj
himnin e flamurit kuq e zi
e nuk munda të gëlltis lotët…
--------
(Nga libri  ' Ka gjithmonë diku', 2010)

Sharlatanët

Na kanë rrethuar kudo
nuk ke nevojë të fusësh gishtrinjtë në grykë
për të vjellë…

Ne u bëjmë sehir
ç'të pyesim, ç’mostër i ka pjellë?
Në sytë tanë ata rrisin përmasat .

2010
----------

…Surprizë

Nuk kam nevoje të shkruaj
                                 poezi,
vetëm  sa ndërtoj  një kornizë
(Poshtë vendos diciturën).

Pastaj, në të vjen e hyn ti,
                     me vargje surprizë!
----------
NY, USA, 1 nëntor 2012-