Muharrem Sfarqa: Të rinjtë - e ardhmja e LDK-së

Të rinjtë - e ardhmja e LDK-së

Nga Muharrem Sfarqa

Kryetarja e FR të LDK-së e degës së parë në Prishtinë dhe anëtare e kryesisë së kësaj dege Merita Surkishi, po realizon një vizitë disaditëshe në Gjermani. Gjatë qëndrimit të saje  në Landin e NRW-së në qytetin e Duisburgut, ajo pati një takim të përzemërt me veprimtarët që gjenden në ballë të strukturave të LDK-së në këtë pjese të Gjermanisë, ku nga sekretari i saj Muharrem A. Gashi u njoftua mbi aktivitetin e përgjithshëm, sukseset dhe detyrat që i ka parashtruar vetes anëtarësia e LDK-së e kësaj Nëndege. Ndërkaq sa i përket të rinjve ai tha se po bëhen përpjekje për hulumtimin, njohjen dhe evidentimin e kuadrove të reja të cilët po tregojnë rezultate të larta në të gjitha sferat e jetës e punës në Gjermani, e sidomos në fushën e studimeve. Duke qenë se ata tani janë pjesë e gjeneratës sonë të tretë në këtë shtet, LDK-ja shpreson se në mesin e tyre do të gjenden kuadro që do të vihen në shërbim të së ardhmes së Kosovës.

Nikoqirët, nga veprimtarja e lartë e degës së parë të LDK-së së Prishtinës, e cila barti fillimisht përshëndetjet e kryetarit të degës, z. Ismet Beqirit (i cili është edhe sekretar i përgjithshëm i LDK-së) u njoftuan mbi veprimtarin e kësaj Dege e cila për vite të tëra është shquar për homogjenitetin e veprimit besnik për realizimin e programit të LDK-së në jetësimin e vizionit rugovian për liri, pavarësi e demokraci, si rruga më e drejtë për konsolidimin dhe funksionalizimin e shtetit ligjor të Kosovës, si bazë e realizimit të të drejtave qytetare.

FR i LDK-së është i vendosur për realizimin me përkushtim të programit të LDK-së dhe të gjitha detyrave që parashtrohen nga lidershipi i LDK-së me në krye Akademik Isa Mustafën, i cili gradualisht po ndërton platformën për kthimin e sigurte të LDK-së në pushtet për të mirën e qytetarëve të Kosovës dhe për krijimin e kushteve për jetë te tyre të dinjitetshme, tha zonja Surkishi.

Ajo shprehu edhe falënderimet e saja të veçanta dhe të FR për tërë atë qe ka bërë LDK-ja e Gjermanisë dhe mërgata shqiptare në përgjithësi, e cila ishte pjesë e proceseve të mëdha të historisë më të re të Kosovës. Në këtë takim, ku u shpreh pajtueshmëri e plotë për intensifikimin e bashkëpunimit të mëtejshëm, nikoqirët nderuan zonjën Surkishi me mirënjohje për veprimtari të pakursyeshme në kuadër të LDK-së.