Flet Miss Shipëria 2009 Rovena Domi

Flet ish Miss Shipëria 2009 dhe modelja Rovena Domi

Dashurinë e vlerësoj shumë si ndjenjë, por nuk e përkufizoj dot

Albert Zholi

Rovena është një vajzë inteligjente, e bukur por dhe shumë kërkuese, ambicioze. Arrtijet e saj në fushën e modelingut nuk janë të rastësishme, pasi ajo krahas modelingut studjon edhe për juriste. Gjithmonë e gjen në aktivitete dhe nuk e harxhon kohën kot. Larg veseve si pijet por e dhënë shumë pas palestrës për të ruajtur linjat e trupit. Ka objektiva të caktuara në jetë por dyert e suksesit nuk e mohon se përkojnë me konkursin Miss Shqipëria 2009.

-Si erdhi konkurimi për Miss tek Rovena?

Konkurimi për Miss ka qenë një dëshirë dhe ëndërr e imja që  në fëmijëri. Mund të them se në kohën kur e ndjeva veten të sigurtë për këtë konkurim e realizova me sukses.

Kush ishte nxitësi kryesor?

Faktori nxitës kryesor ka qenë pa dyshim familja ime e cila më ka dhënë mbështetjen e duhur në këtë rrugë.

-Çmimi që morët dhe si u ndjetë pas çmimit?

Çmimi që mora ishte "Miss Fotozhenia" në Gjermani në eventin ndërkombëtare të bukurisë "Miss Queen of the World" si përfaqësuese e Shqipërisë. U ndjeva shumë e vlerësuar nga pikët e jurisë si dhe çmimi.

-Kush ju përgëzoi i pari për çmimin?

Koplimentet dhe përgëzimet kanë qenë të shumta nga të gjithë, por përgëzimet e para kanë qenë nga miqësia ime.

-Kur ka filluar si modele Rovena dhe kush ju ka ofruar për herë të parë?

Fillimet në këtë fushë për mua kanë si pikënisje eventin e bukurisë "Miss Shqipëria" në vitin 2009 ku unë konkurova. Më pas çdo gjë erdhi në rritje.

-Si jeni ndjerë në momentin e sfilatës së parë dhe çfarë modeli keni prezantuar.

Çfarë moshe kishit?

Sfilatat e para ishin shumë të bukura dhe emocionuese njëkohësisht pasi si në çdo fillim nuk isha mësuar shumë me skenën.Kemi prezantuar veshjet e stilistes së njohur Rezarta Skifteri. Tashmë u bënë rreth 3 -4 vjet. Athere isha adoleshente ….hahaaaaa

-Sa e vështirë është sot të jesh modele?

Si çdo fushë tjetër edhe modelingu ka mangësitë apo problematikat e saj. Duhen përmirësuar disa aspekte kryesore të tij si pagesa, organizimi, etj.

-A jeni e kufizuar nga jeta private me këtë profesion?

Kufizime ka sigurisht p.sh në fundjava kur ka organizime për sfilata apo duhet të realizosh një set fotosh nuk ke kohë të mjaftueshme për jetën private.

-Kur e keni ndjerë veten me keq në profesionet tuaja?

Se di nuk më vjen ndërmend ndonjë çast kritik haha deri tani ndjehem shumë mirë me profesionet.

-A jeni e detyruar të mbani dietë dhe cila është dieta juaj?

Dieta strikte jo ,por kujdesem ndaj ushqimit nuk duhen konsumuar pije gazuese apo ushqime të yndyrshme.Pa harruar që faktori kryesor për të qenë në formë është palestra të cilës i kushtoj shumë rëndësi.

-A ka moshë ky profesion?

Sigurisht që ka moshë dhe në vendet më të zhvilluara në modeling ka një limit të caktuar.Mosha e duhur për këtë profesion vijon nga 18-26 vjeç.

-Cilat modele me famë botërore janë idhull për ju?

Modelja Adriana Lima dhe Irina Shayk.

-Një përkufizim për dashurinë?

E vlerësoj shumë si ndjenjë, por nuk e përkufizoj dot.

-Jeni supersticioze?

Jo, nuk jam nuk i besoj gjërave të tilla, por atyre reale dhe objektive.

-Mardhëniet me kuzhinën dhe kuzhina juaj e preferuar?

Marëdhënia me kuzhinën, kur kam kohë t'i përkushtohem asaj është shumë e mirë, Kur dua gatuaj vërtet shkëlqyer.Kuzhina e preferuar janë disa, por po përmend spagetin me fruta deti, peshku etj… haha.

-Cilat janë problemet më pikante të femrës shqiptare sot?

Problemet e femrës dhe rolit të saj në shoqërinë shqiptare janë të shumta, një ndër to do të veçoja punësimin apo aktivizimin në fushën politike etj.

-Mendimi juaj për bashkjetesën?

Mendimi për bashkëjetesën është më se pozitiv e mbështes, si një etapë dhe fazë e nevojshme për t’u kaluar para se të ndërmerren vendime përfundimtare.

-Motua nga e cila udhëhiqeni në jetë?

Nuk kam ndonjë moto specifike çdo gjë në jetë duhet të jetohet natyrshëm dhe pa komplekse.

-Një ditë pune e zakoshme?

Një ditë pune e zakonshme fillon në mëngjës dhe përfundon mbasdite nëse ka të bëjë me profesionin që kam zgjedhur "juriste". Pra mëngjesi është në zyrë ndërsa ka të bëjë me artin me siguri që një ditë e tërë më shkon duke bërë foto për revista.

-Ku preferoni ti bëni pushimet?

Pushimet i adhuroj (haha) sidomos në Spanjë, Miami, Gjermani etj.

-Cili është për ju modeli i politikanes?

Jozefina Topalli

-Veshja e preferuar?

Veshjet klasike, kryesisht fustanet që të tregojnë me së miri linjat, pa harruar edhe takat haha.

-Çfarë vlerësoni tek një njeri dhe çfarë kritikoni?

Vlerësoj shumë  inteligjencën dhe arritjet e tij në jetë, ndërsa kritikoj mungesën e vullnetit, besimit në vetvete, inciativave etj.

-Keni ndonjë peng në jetë?

Jam shumë e re për pengje në jetë. Deri tani dëshirat dhe ëndrrat më janë realizuar.

Çështë familja për ju?

Familja është baza kryesore për ekzistencën e një personi, mbështetja më e madhe. për të. E vlerësoj shumë.

-A ndihet e vlerësuar femra shqiptare sot?

Vleresimi është subjektiv varet sa e aftë je t'i arrish vlerësimet positive. Por mendoj që ka mjaft femra të suksesshme në karrierë dhe në jetën e tyre private. Në Shqipëri çdo gjë  është në progres.

-A është shoqëria shqiptare maskiliste dhe cilat janë format më shprehëse të saj?

Në disa aspekte ka ende tipare maskialiste shoqëria shqiptare. Kjo evidentohet kryesisht në fshatra apo zonat e thella. Disa nga format shprehëse janë mungesa e lirisë për të dalë, e vendimarrjes, kufizimi i tyre duke i angazhuar vetëm me punë shtëpiake etj.

A jeni e dashuruar?

E theksova më lart "dashurinë"e vlerësoj shumë si ndjenjë. Pa të nuk je asnjëherë e plotë dhe një vlerësim i tillë e tregon më mirë përgjigjen… haha.

-Kur ndiheni më mirë kur ju thonë jeni simpatike apo jeni inteligjente?

Ndjehem më mire sigurisht kur më thonë "jeni inteligjente" apo më mirë akoma kur thuhen të dyja.

-Cilat janë planet tuaja në sirtar në mardhënie me idetë profesionale?

Planet në sirtar janë të shumta duke i nisur nga shtatori kryesisht kanë të bëjnë me studimet e juridikut.