| E premte, 27.07.2012, 07:52 PM |
Dibran Demaku
EU ALI PODRIMJA
Kosova është Gjaku Yt që nuk flet
me lirikat tua sot flasin fushat malet
Eu Ali Podrimja bir i Dukagjinit
mos e pikëllo bre burrë sonte valën e Drinit
Eja në mes miqsh të ndezim nga një cigare shpuzë
se kënga jote rrjedh e rrjedh në muzë
Dikush po rren se ti ke mbetur në një pyll
-Jo! Ti veq ke shkuar të kapësh një yll
Dhe me yllin e zënë të kthehesh tek toka Nënë
dhe të vazhdosh poezinë përgjysëm të lënë
Eja! mos vono! Ne të presim
se as ti as poezia kurrë nuk vdesin
Tronditëse...Tronditëse gjithçka e jote
o i madhi ndër të mdhenjt e kësaj bote
Lum Lumi...Lum Lumi, o i lumi
zgjona nga harresa mos të na zërë gjumi
Kosova është Gjaku Yt që nuk falet
me lirikat tua sot e nesër flasin fushat malet...