Xhevahir Cirongu: Nesër….

Xhevahir Cirongu

Nesër….

Nesër,
Lind një ditë e re…
Po ata shokë,
Po ata njerëz
Vetëm se ti më nuk je.

Nesër….
Më vonë se përditë,
-do të zgjohem
Dhe rrugën për nga shkolla jote
S’do ta marrë.

Aty në qoshen
E ndonjë kafeneje,
            -Do të ulem
Dhe tok me vetëminë
Hallet do t’i qaj.

Zhgënjim i ftohtë
Si stoli i hekurt,
Nesër-lind një ditë e re:
Po ata shokë,po ata njerëz.
Asgjë nuk ka ndryshuar
Vetëm se ti,
-më nuk je!...
       ***
Durrës,30.06.2012