Demir Krasniqi: Gratë e sodit po bëjnë lumë

Parodi:

            GRATË E SODIT PO BËJNË LUMË  

Gratë e sodit po bëjnë lumë –

Nuk i shtimë ma duart në brumë !

Ma në magje nuk  gatuajmë ,

Si përpara ma  nuk  vuajmë !

Rendi i magjes mbet për  burra –

Nga tri herë po i çojmë  te furra !

N’ daç me ngrënë bukë për kafjall –

Shko blej vezë e kaçkavall !

N’ daç me hëngër bukë për drekë –

Shko te furra e blejë byrekë !

N’ daç për darkë me hëngër buk’ –

Shko n’ shitore blej suxhuk !

Gratë me burra kanë lidhë llafe –

Mysafirët me na i heqë qafe !

Miq e shokë me i  çua në kafe –

Me u dhanë bukë , me shitë tarafe !...         

Prej se erdh demokracia –

Hupi saçi , hupi kacia ,

Hupi  lagraçi , hupi tepsia ,   

Hupi bulmeti , hupi çinia ...

Hupi magjja , hupi sita ,

Hupen petët , hupi pitja ,      

Hupi  kulaçi , buka mbas dore ,

Hupi  kryelana , hupen  lakrorët ...

Hupi holluesi , hupi  flija ,

Hupen petullat , hupi tatlija ,

Hupi  pogaçja dhe gurabija ,

Hupi  sarma , hupi turshia ...

Hupi  çerepi , hupi përpeqi , 

Hupi  përsheshi , hupi gjyveçi ,

Hupi çanaku , hupi kajmaku ,

Hupi muhabeti , u mbyll konaku !...

Gjilan, më 28.02.2012.     Demir KRASNIQI