Rita Saliu: Ty Kosovë

TY KOSOVË

Para varrit të gjyshit, para plisit

betohem se Kosova ka histori të lavdishme

dhe shpirtin plot bardhësi

tek përqafimi yt Kosovë

i dërgova fëmijet cdo vjet

që të frymojmë me shpirtin tënd

si ti të mësohen me ecë

si ti për të qëndruar

por vetëm një stinë

u bëra pak sa e ligë

s'i lash të të vinin

t'i priste ujku në fut

për ta vrarë gjallërin e të

ardhmes sate

tash Learti

vazhdimisht më thërret

të shkojmë nënë edhe sivjet

t'i bëhemi krah dheut

flokun e thinjur nga dhimbjet

t'ia përtërijmë

edhe Driloni

i lindur te burimi i Drinit të Zi

i është bërë shpresës sime kushtrim

nga SHBA-të deri në Dardani

edhe Gramozi

i lindur te Drini i Bardh

pret të takohemi te gjithe bashkë

në sheshin Arbëdhetar

Kosovën për ta çliruar

nga pellgjet e gjakut

pezmin për t'ia shëruar

pse kish mbet kala e paepur

vellon e bardhë për t'ia vënë kurorë

si nuses që pret t'ia dhurosh ti

Kosovë lulekuqe sy bleroshe

të kamë parë të kamë ndjerë

se si gjakun e njomë

e shndërrojë ne shpirt të lirisë

shesheve demokratike deri në Dardani

të kamë ndjere të kamë parë

si e përdhose qyqar Dushanin

si i tregove ku kishte vendin

ditën kur Dardania kishte dasmë

dhe nuk duronte t'ia kafshonin ujqit fisin

e hienat t'ia përdhosin plisin

në mua të kame parë

kur ia tregove rrugën

për ne Karpate barbarit

dhe Justinën si frymonte

duke i dhëne frymë Skenderbeut

kur e lajmëruan për fitoren

pr pavaresinë

Rita Saliu

1998, Rhode Island. SHBA