Reagim në përkrahje të aksioneve të fundit Vetëvendosjes në kufi me Serbinë

DEKLARATË

Në emër të “Shoqatës së të burgosurve politikë shqiptarë”  në IRJM, sh.m.a.i.k “Illyricum Libertas – Tetovë”, Unionit të  10 OJQ shqiptare nga Kërcova , “Qëndresa”,  “Bashkimi” – Manastir dhe një numri të OJQ tjera shqiptare në vend, i japim përkrahje vëllazërore Lëvizjes Vetëvendosje, dhe protestave që ajo organizon në kufi me Sërbinë.

Përkrahim gjithashtu vizionin e Vetëvendosjes dhe Aleancës Kuq e Zi,  që janë  vizionet  e  vetme të  drejta për shqiptarët jashtë kufinjve të Republikës së Shqipërisë.

Paniku që ka mbërthyer oligarkinë aktuale në pushtet në Prishtinë, Tiranë, Shkup tregoi se Vetëvendosja  dhe Aleanca Kuq e Zi kanë qëlluar në palcë duke u rrezikuar  karriget e turpit.

Dënojmë fyerjet e ulta që i bëhen identitetit  dhe simboleve  kombëtare të shqiptarëve dhe që janë çorbë e politikës aktuale të pushtetit maqedonas.

Shpëtim Pollozhani

(Në emër të Shoqatave të lartpërmendura)

Tetovë, 22 .01.2012