Demir Krasniqi: Na shkoi jeta me protesta

NA SHKOI JETA ME PROTESTA

Me pak gëzime , me pak festa –

Na shkoj jeta me protesta !

Me protesta e demonstrata –

Me lot n’ sy , nënat e ngrata !

Vajtojnë motrat , vajtojnë gratë –

Kurrë nuk mbeten burgjet thatë !

Rrahje , sharje e prangosje ,

Gazra , vrasje dhe plagosje !...

Sa herë malet na u përflakën ,

Sa herë rrugët na u përgjakën ?!...

Na u mbush toka me varre t’ reja –

Fëmijë jetimë e gra të veja !

Rrojmë në ankth , emocione –

Duke shkrua peticione !

Demir KRASNIQI

Gjilan, më 14.01.2012.