Mustafë O. Hoxha: Meditim për lirinë

Mustafë O. Hoxha

Meditim për lirinë

Ne duam lirinë,

e kërkojmë lirinë,

themi se punojmë për liri,

Vallë e dimë ç'është liria?

Flasim e përflasim,

shajmë e urojmë,

ag e terr,

Vallë e dimë ç'është liria?

Liria është jetë,

na duhet çdo ditë,

në çdo vend e njeri,

Vallë e dimë ç'është liria?

Vetëm kur të mbjellim liri,

do të korrim liri,

do të jetojmë lirinë,

Vallë e dimë ç'është liria?

Liria do punë,

nuk do përgojime,

ajo është e ndieshme,

si krahët e fluturës,

Vallë e dimë ç'është liria?

Liria do njerëz,

njerëzit e bëjnë lirinë,

liria është për njerëz,

por ata që s'kanë liri ,

kanë robëri,Çka janë?....