Kasam Shaqirvela: Brengat ma puthin mallin

BRENGAT MA PUThIN MALlIN

Jan vite  e vite mandej edhe shekujt

Që un përtyp helmin nga kupa e arit

Që ma dhanë atëbotë dishepujt

Un flas me vetveten me frymën e t’parit

Dhe shekujt u bënë mileniume për amanetin

Që e ruaj sikur t’ishte nga Kupa e Gralit

Brengat ma puthin përditë mallin tim 

Un jam me babë e nënë, por prapë jetim

Dhe prapëseprapë pa dashjen time tani

Më ulin në shkamin e fajësisë, me lutje

Këtëbotë ma bënë degët e trungut tim

Degë të cilat mbase janë rrugës në këputje

Vitet më rëndojnë sikuse dimri mbi pullaz

Edhe pse koha punon për trungun tim të prerë

Pipthat çelin vetëm kur vin pranvera e parë

Ata i ngjall e i kall ajo e ngrohta erë.

© Kasam ShAQIRVELA