Dy poezi nga Bajame Hoxha - Çeliku

BAJAME HOXHA - ÇELIKU

S'KA SHTRAT PËR MUA NË SHQIPËRI

Shumë të desha, edhe të dua

O mëmë, e bukura Shqipëri

Ti s'më deshe asnjëherë mua

Më trete baltrave në internim

Që fëmijë për ty punova

Fushat t'i mbolla me grurë

Kanale të thella të hapa

Që ty, mos të të mbyste ujë.

Myzeqenë ta zbukurova

ta qëndisa oh me blerim

Të tëra shërbimet t'i bëra

Tamam si një bijë e mirë.

Po ti mëmë,ç'bëre për bijën?

Në fund më flake në mërgim

Dhe dua të vij mikeshë një natë

S'ka shtrat për mua në atdheun tim.

Pasdite vere

Po rrinim përballë të ulur të dy

Kur shpirti i duruar më thoshte: hesht !

ti tregoje dashuritë, e flisje pa pushim

Ndërsa unë e plagosur, Shtiresha e qetë.

Ç'mendoja thua në ato çaste?

Të dashuroja apo ndjeja ftohtësi

Si këto ti, ke patur shumë raste

Ndërsa unë, të kisha vetëm ty.

Dashuria tek unë, nisi të tretej ngadalë

Brenda meje, po fikej çdo shkëndijë

Ashtu si gjetet e vjeshtë që ranë

Ndjenjat nga shpirti, po binin, nji nga nji.

Pranë teje isha, çuditrisht, s'po të ndjeja më

Dashuri  e çmuar, ish arratisur sa larg ...

E tepërt koha, me kë po rri, me kë?

I thashë vetes: Ngrehu ! Këtu s'ka më asgjë !