Tahir Bezhani: Pozim vjeshte

Tahir Bezhani

POZIM VJESHTE

Zgërdhin dielli vjeshtor

Mëngjeseve të zverdhura

Mashtron shetiroren time

Maleve me pisha të larta

Numëroj gjethet që bien

Në token e brymuar

Jeta shuhet në këndin tjetër

Në melodi vjeshte hazdisur

Shpirt i trazuar

Në përkëdhelje ndizet

Bukuria vjeshtore.

Kjo pikturë lot më nxjerr

Brenda kënga zihet në heshtje

As ushtimë

As bubullimë

Herë si zjarr

Herë si vetëtimë

Trupon parzmën time

Gjurmët pasqyra ime…