Ilir Muharremi: Shpirti i dehur

Ilir Muharremi

Shpirti i dehur

Unë shpesh mbytem me të

shishja është trupi , birra brenda është shpirti

trupi mbetet tokës , hidhet si shishja

alkooli avullohet në ajër  si shpirti

aty veç shpirti komunikon

trupi e humb peshën

bëhet pa peshë

shpirti gjithmonë i ri

si fëmijë

pa përgjigje

truri s'ka kapacitete me kuptua

shpirti gjithmonë pa lëndime është

i pavarur

pa gravitet

ka mas me rrite veten

varet nga vetja