| E hene, 18.02.2008, 07:09 PM |
MBIJETESA E JONË
Gëzim Ajgeraj
Na i shtrydhën
Dhe damarët e gjakut
Të na shterroj fara
Me furtunë karpatesh
Na i frynë harrimit
Që filizat e përtëritjes
Të mos na gjethojnë
Na e vranë dhe dritën e diellit
Me terrin e mesjetës
Që të na e shuajnë rritën
Me kokat tona
E ngritën kalanë e lavdisë
Së rrejshme
Deri në Kalamegdan
Me shpata
Me zjarrë
Me hekur
Ruajtën natën tonë shekullore
*
U ngritëm
Nga rrënjë e mbijetesës
Ringjalljes tonë
Kushtrimin e nënlokes
E nxorrëm nga gjiri i dheut
E e bëmë jehonë malesh
Me gjokset e lisave të atdheut
I bëmë ballë furtunës
Kullat, bjeshkët kënduan këngën
E ardhjeve të bardha
Mbi plis shkëlqeu
Dielli i lirisë
17 shkurt 2008