Agim Gashi: Lamtumirë o miku i vjetër

Agim Gashi

Lamtumirë o miku i vjetër

Në rininë time të hershme

Kisha një mik që s‘e kishte dheu,

Më primare për atë nuk kishte

Se sa liria e se sa atdheu.

Si bilbili ia thoshte këngës

Bukur shkruante edhe poezi,

Në ahengje e kafene

Hanim meze e pinim raki.

Verën e kuqe nga Rahoveci

E pinte burrërisht me marifet

Raki rrushi me bidona

Dhe këndonim me lezet.

Por një ditë na ndau jeta

Mora rrugën për kurbet të zi,

Tridhjetë vite kaluan të rënda

E unë për mikun s’kisha ndi.

Kësaj vere mora rrugën

Atdheun tim e vizitova,

Me një ndeje, një të pame,

Mikun tim unë e takova.

Ishte strukë në qysh të odës

Kishte lëshu një mjekër t´gjatë,

-Pse e lëshove o lum miku?

-Me u dallue, më tha, nga gratë!

-Po pantollonat pse i shkurtove,

Përse gruan me shami?

-Jemi kthye, tha, në rrugë të Zotit,

Pa Allah nuk ka liri!!!

Oh, sa më dhimbsesh o miku i vjetër

Dikur ishe burrë zotëri,

Punë të mëdha bëje me nder

Për Kosovë e nënën Shqipëri.

A e din kur fjalim mbaje?

Të dëgjonim mbarë shoqëria,

E kur thoje me zë të lartë

-„Fe e shqiptarit është shqiptaria“!

Kur recitoje vargje të Fishtës

Të Vaso Pashës e Naimit,

Që të kishim ne ty mik

Na kaplonte majë e gëzimit.

Sa fuqishëm kritikoje

Doket e huaja e prapambeturinë,

Ndërsa sot ke lëshue mjekër

Për atdhe kërkon robërinë.

Po sot ti nga zemra jote

Hoqe gjithë burrat kombëtar,

I ndërrove me vehabista

Me lesh mjekre e „hoxhollarë“.

Hyre në sekt me kulturë të huej

Që bëjnë varre kate-kate,

Nderojnë Zotin me rregulla të reja

Taravitë me tri reçate.

Ti o miku im i “shtrenjtë”

Vizitor i rregullt në xhami,

A të vjen shija e së kaluarës

Kur e pije nga një okë raki?

Nuk kam fjalë për befasinë

Që ma dhe në kohë të keqe,

Por ai që e shet zemrën e kombit

Çdo kujt n´këtë botë do t'i bëj leçe.

Më vjen keq që të humba

Se të kisha mik të rrallë,

Për ca lekë nuk shitet nderi

Jetën tënde e ke bërë prrallë.

Të kam mik të lus si vëlla

Kthehu në jetë për nder t'shoqërisë,

Veju në shërbim të kombit

Të Kosovës dhe Nënë Shqipërisë.

Po s'u ktheve unë s'jam me ty

As për melaqe e as për dreq,

Që ke marrë këtë rrugë pa sy

Gjithmonë do të më vie keq.

Shumë miq sot humb njerëzia

Që dikur ishin bujarë,

Po tronditet keq atdheu

Se më ata nuk janë shqiptar!

19.09.11-Düren