Zeqir Lushaj: Nuk pa rrugë tjetër

Zeqir Lushaj

NUK PAT RRUGË TJETËR

-Kushtuar: “…Gjakftoftit”, Naser Shatri –

(E shkruar dhe e kënduar në Tiranë, 1993)

As n’mërgim, pa babë e nanë,

UDB-ja , rahat nuk t’lanë.

Naser Shatrin, me shpi n’Tamoc,

Milicia e thrret n’Istog.

Katër ditë e provokojnë,

Që shqiptarët t’i spiunojnë!

Baboviç, Ty, t’thafshin krahët,

Qysh me i ra Naserit shplakë,

Me ja sha shqiptarit nanën,

Me armë tande, ta ban gjamën,

Mbrenda në zyrën e Milicisë,

Gjasht herë rrjesht alltija krisë!

N’kambë asht çue,rrept’ Serbia,

Vijnë avjonat përmbi shpija,

E kërkojne në bjeshkë e vrri,

Si gjylpanën nëpër hi,

Rrethim t’fortë në t’katër anë,

Naser Shatrin gjallë me e zanë.

…!

Terrorist , e shpallë Serbia,

Interpoli në gjurmët e Tija,

Shkruejnë gazetat nëpër Botë,

Për Naserin shumë gjakftoftë,

E n’Europe një fjalë ka dalë,

Nuk ka burg që e mban atë djalë.

Than në Zvicërr e Gjermani,

Ku i provuen aftësitë e Tij,

Naser Shatri një fjalë ka thanë:

– Nuk luftova për me lan namë!

Nuk jam nisë për me rrit veten,

Pasha Zotën,-nuk pat rrugë tjetër!

                        ./.

Shenim: Kënga është kënduar nga treshja e rapsodeve të Kuksit, Dida-Çela-Kovaçi- dhe është e perfshirë në librin “Fjala mbi tel…”,i autorit Zeqir Lushaj,(në faqen 26 ).