Asllan Dibrani: Autostrada e Kosovës Morinë- Merdare projekt i gabuar në destinacion!...

Autostrada e Kosovës Morinë- Merdare projekt i gabuar ne destinacion por edhe dialogu Prishtinë- Beograd   i dështuar!

 

Nga Asllan Dibrani

 

Ky projekt është përcaktuar nga "qeveritarët e famshëm kosovarë " qe të përfundoj në Mendare drejtimi i Prokuples në Serbi , qe para 100 vitesh u  përzunë shqiptaret me dhunë djegie,vrasje  prej atyre zonave të banuara me shqiptarë me mija vite. U ndoqën nga   okupatori serb dhe nuk la ma shqiptar atje, pos  toponimeve  shqiptare që kanë mbetur gjurmë të historisë  si Kastrat, Bllaca, Vllasa, Grabanica, Spanca, Konjusha , Gajtani Arbana ,Breznica etj . Këto toponime sot shqiptaret e Kosovës i kanë si mbiemra të trashëguar në bazë të kujtimit,e  toponimeve  me vendbanime shqiptare, qe përkundër reprezaljeve dhe terrorit që e ndoqi Serbia, këto toponime u ruajtën deri me sot siç janë Kastrati,Vllasa.Grabanica,Spanca,Konjusha ,Gajtani Arbana ,Breznica etj . Territori i asaj krahine po thuajse përputhet me  të Kosovës se tanishme në hapësirën gjeografike! Qe 100 vjet e ka braktisur politika  shqiptaret atë periudhë, duke e lënë nën “mëshirën” e sundimit kolonial dhe gjenocidal të Serbisë, përkatësisht të Jugosllavisë se ma vonshme deri me ditët e sotshme.

 

Asnjë  organ  qoftë nga Shqipëria , Kosova apo  ndonjë institucioni shqiptar nuk  e paditi Serbinë  ndërkombëtarisht për gjenocid dhe pastrim etnik me dëbime masive nga Kosova.

 

Pra, shikuar në retrospektivën historike, politike dhe diplomatike, asnjë  organ  qoftë nga Shqipëria , Kosova apo  ndonjë institucioni shqiptar nuk e   ngrit  ndonjë  reagim ndërkombëtar  (kallëzim penal ndërkombëtar kundë Serbisë, për atë gjenocid për ato territore  po edhe  dhe për pjesët tjera, të Anamoravës  (Preshevë, Bujanoc, Medvegjë), të  administruara nga Serbia . Pra, e pranuam apo jo,  Kosova veriore  de fakto dhe de jure, është  pushtuar pa luftë (por me forcë dhe me spastrim etnik)  nga Serbia qe 12 vjet (1999)në historinë ma të re.

 

Ndarja nuk ka brirë ka tendenca qe territori i shqiptarëve , me  u ngushtua akoma me  politikën e “bajlozëve  shqiptar në qeverinë aktuale ”

 

Ndarja nuk ka brirë, ka tendenca qe territori me  u ngushtua akoma, me  politiken e “bajlozëve  shqiptar në qeverinë aktuale ” që e kanë humbur" të drejtën legale mbi Kosovën dhe mbi territoret e tjera shqiptare, në këtë segment po  i çorientojnë edhe parametrat synuese të bashkimit  duke ndjekur një politikë te pa vizion!  Sido që të kuptohet,  të trajtohet dhe të justifikohet nisja dhe zhvillimi i dialogut Beograd – Prishtinë, Kosova veriore nuk mund të rikthehet nën sovranitetin administrativ dhe shtetëror të Republikës së Kosovës, pa përdorur instrumentet juridike ligjore dhe forcën, pavarësisht se çfarë deklarojnë  qarqet zyrtare politike të Kosovës dhe partnerët e tyre evro-ndërkombëtarë. Këtu duhet te reagohet me te gjitha mjetet  juridike  dhe politike që të bëhet  një kallëzim penal ndërkombëtar të "gjenocidit serb" të  ato troje që janë te boshatisura  me dhunë dhe terror  nga Serbia qe u përmenden ma lart.

 

Çka të bisedohet me Serbinë ne dialogun aktual .

 

A. Te bisedohet për  njerëzit e zhdukur në luftën e fundit.

 

B. Të bisedohet për gjenocidin qe bëri Serbia  ne Kosovë  në luftën e fundit.

 

C. Të bisedohet për  dëmshpërblimin qe duhet me  dhënë  Serbia për këtë luftë  të pa drejtë,  terroriste  te përcjellur me dhunë  vrasje dhe dëbim masiv  të popullatës nga Kosova.

 

D. Te bisedohet për territoret shqiptare  te lartshënuara të okupuara nga Serbia të okupuara si Kastrat,Bllaca ,Vllasa .Grabanica,Spanca,Konjusha ,Gajtani Arbana ,Breznica etj

 

Punimet në Autostradën Morinë- Merdare që lidh serbët e Shumadisë duke i anashkaluar vëllezërit e "Kosovës lindore"

E. Të bisedohet  pastaj për marrëdhëniet  e ndërsjella  reciproke  e jo siç po ndodh me  palët negociuese serbo-shqiptare (Edita Tahiri për palën shqiptare, dhe Borko Stefanoviq për palën serbe),qe ky i fundit i provokon  sharlatanët shqiptar edhe me copëtimin  dhe ngushtimin e territorit të shqiptareve duke aluduar, pazarllëqe  me tokat shqiptare,si  shkëmbim  (ep dhe merr) territoret tona shqiptare  ku shpesh na vjen të dëgjojmë edhe nga shqipfolës  të  pa dije dhe te pa kurriz që të shkëmbehet  "Mitrovica -veriore ", me trojet shqiptare Bujanovc,Preshevë dhe Medvegjë ku te gjitha janë tonat!?...     Tu themi mjaft sharlatanëve shqiptar mos luani me  gjëra të shenjta si trashëgimtar  babe -baba-dem te këtyre trojeve tona , nga paraardhësit tanë.

 

Të keni kujdes  "sharllotan  politikajë" se me falë e me shit mund ta shiteni  vetëm ndonjë lopë  qe është "pronë e juaja e lidhur në shtallën tuaj",   e jo (tokën e shenjte  arbërore  të stërgjyshave qe na mbeti amanet ta ruajmë si sytë e ballit), prandaj larg duart nga pisllëqet e juaja  të interesave personale  klanore , grupore dhe rajonale.

 

 Këtu po e ndërlidhi edhe çështjen e Autostradës qe  shihet se për një arsye apo një tjetër, jeni duke  e gabuar destinacionin e saj  duke i anashkaluar  vëllezërit  tanë  në "Kosovën lindore"   që te lidhen  me këtë rrugë dhe trungun e Kombit.

 

Rruga e përcaktuar sipas projektit  Morine -Merdare për Prokuple ju shkon për shtati vetëm serbëve të Shumadisë në Serbi .

 

Rruga e përcaktuar sipas projektit  Morine -Merdare për Prokuple ju shkon për shtati vetëm serbëve të Shumadisë në Serbi .  Segmenti  për   në Kosovën lindore i konvenon edhe Kosovës që gjeografikisht ma shpejt del ne autostradën për Beograd qe të vazhdohet për  në shtetet e Evropës.  Ky mund të  quhet një projekt  i gabuar në destinacion, por edhe një dialogu Prishtinë- Beograd   i dështuar ne ritmin   aktual ose i përfunduar në dëmin e popullit  shqiptar...