Luan Çipi: Çuditë e kompiuterit

Luan Çipi

ÇUDITË E KOMPIUTERIT

Në jetë bën miq dhe shokë

Ca të përkohshëm e ca ndër vite sprovuar

Dhe shpesh me ta bëhesh tok

Për të biseduar, kënduar, punuar.

Po tani kërkon , zgjedh e klikon

Në imeil, skaj, fejsbuk apo netlog

Gjen partner të rinj dhe gëzon

Se bën miq e shokë me kokë.

*

Leksikun kërkoj dhe mbledh,

Fjalët më të bukura marr,

Mendimet i  pjek, pa  i hedh

I qet, si rreth vatrës me zjarr.

Në Xhorxhia, ripash  Petraq Palin

Nga larg u miqësova me Përparim Hysin

Në Çikago, bisedova  gjatë me Dalanin

Dhe fola, sa u çmalla me Parisin.

Në gugëll, me thirrjen translate,

Frëngjishten në shqip e ndërrova

Dhe sa një shtëpi me tre kate

Në Blog, dhjetë libra krijova.

Tani mbarë bota u bë njësh

Nuk ka më kufi  mijëra milje

Se vetëm një klik po të bësh

Gjithçka  e ke në familje.

Çikago, Prill. 10.2011