Demir Krasniqi: A këndohet përmbi varre?!

A KËNDOHET PËRMBI VARRE ?!

A ka qenë traditë shqiptare ,

Qoftë kombëtare , qoftë fetare ,

Këngëtarë e këngëtare –

Për t’ kënduar përmbi varre ?!

Përmbi varre të dëshmorëve –

N’ manifestimet përkujtimore !

Nëpër  fusha , kodra e  male –

Thua se shkojnë në festivale ?!

N’ përkujtime të masakrave –

Mblidhen “yjet” e estradave !

Mezi presin për t’ dalë me këndua –

Para popullit me u promovua !

N’ përkujtime vjet për vjet –

Çdo kush qanë mbi varr të vet !

Në çdo stinë e në çdo mot –

Fotografitë i lajnë me lot !

Nëna , motra , gra e fëmijë –

Ulë pranë varreve veshë me t’ zi ,

Fotografitë mbajnë në gji ,

Qajnë  më  t’ dashurit n’ dhe të zi !...

Me lot nënat i lajnë varret –

Para tyre dalin këngëtarët !

Shkrihen këngët n’ vaj e n’ lot –

Promovohen për “patriot”!

Në këtë “festival këngëtarësh” –

Ngjiten n’ skenë grupe valltarësh !

N’ fytyra t’ përlotura t’ familjarëve –

Hidhet pluhuri i valltarëve !

Gjilan, më 08.04.2011.       Demir KRASNIQI